Auto Dak
Auto Dak

KOMPLOTI/ SHBA trondisin Maduron e Venezuelës

Presidenti venezuelas Nikolas Maduro ka njoftuar se do t’i japë fund marrëdhënieve diplomatike dhe politike me Shtetet e Bashkuara. Përveç kësaj, ai iu kërkoi diplomatëve amerikanë që të largohen nga vendi brenda 72 orëve.

E gjitha pasi presidenti Trump pranoi Kryetarin e Asamblesë Kombëtare të Venezuelës dhe kreun e opozitës Juan Guaida, si “president të përkohshëm” të vendit.

Maduro tha se SHBA kanë organizuar një goditje kundër qeverisë legjitime në Venezuelë. Në rrugët e Karakas, mijëra mbështetës të Maduros dhe opozitës u derdhën në sheshe,  ku nga përplasjet pati dhe katër të vdekur.

Guaida, lideri i opozitës në Venezuelë, u zgjodh për të drejtuar Kongresit më 5 janar. Ai ka thënë më parë se donte të zëvendësonte presidentin Nicolas Maduro në qoftë se kishte mbështetjen e ushtrisë.

Ndaj, Sekretari amerikan i Shtetit Mike Pompeo i bëri thirrje ushtrisë dhe forcave të sigurisë në Venezuelë për të mbështetur demokracinë dhe për të mbrojtur qytetarët. Ai përsëriti se SHBA do të mbështesë Guaidan  në përpjekjet e tij për të formuar një qeveri kalimtare dhe të përgatitet për zgjedhjet.

Ai theksoi se Shtetet e Bashkuara kërkojnë që Maduro të japë dorëheqjen në favor të një “lidershipit legjitim që pasqyron vullnetin e popullit të Venezuelës.”

Presidenti i ri i Venezuelës ka njohur gjithashtu Organizatën e Shteteve Amerikane.

“Urime për Juan Guaidan, president i Venezuelës. Ai ka mbështetje të plotë për të nxitur rivendosjen e demokracisë në vend”, shkroi Luis Almagro, Sekretari i Përgjithshëm i organizatës.

Një zyrtar i qeverisë kanadeze, i cili donte të mbetet i paidentifikuar, tha se dhe Kanadaja gjithashtu do ta njohë Guaidan si president të ri.

Mbështetësit e opozitës venezueliane të mërkurën nisën të marshonin në rrugët e Karakasit, duke kërkuar që Presidenti Maduro të largohej.

Anëtarët e Gardës Kombëtare përdorën gaz lotsjellës në një pjesë të kryeqytetit, ndërsa protestat në pjesë të tjera të Karakas ndodhën pa asnjë konfrontim apo konflikt.

Venezuelasit që marrin pjesë në protesta thonë se ata kanë shumë inflacion, mungesë të ushqimit bazë dhe migracion që po ndan familjet, njoftoi AP.

Maduro u betua për një mandat të ri më 10 janar, pas një bojkoti të madh të votimit të vitit të kaluar, të shpallur nga shumë qeveri të huaja si të pandershme.

Qeveria e Maduros akuzon Guaidan për përgatitjen e një grushti shteti dhe e kërcënon atë me një dënim me burg. /tesheshi.com/

auto pjese dak

Related posts