Auto Dak
Auto Dak
Auto Dak

Kinë: 35 raste të reja infektimi, të gjitha ardhje nga jashtë

Kina, aty ku shpërtheu epidemia e koronavirusit në dhjetor të vitit të kaluar, sot ka regjistruar më pak të infektuar, por masat që kufizojnë lëvizjen janë forcuar në disa pjesë të vendit për shkak të frikës nga më shumë infeksione nga jashtë.

35 raste të reja infeksioni u raportuan dje në Kinë dhe të gjitha vinin nga jashtë, tha Komisioni Kombëtar i Shëndetit. Në provincën qendrore Hunan, ku masa është lehtësuar kohët e fundit në nivelin e saj më të ulët, u shfaq dje rasti i parë i një infektimi që vinte nga jashtë, raportoi media, duke cituar një komision provincial shëndetësor.

Autoritetet mbeten të shqetësuar për rreziqet që paraqesin rastet që vijnë nga jashtë, dhe ditëve të fundit është ndaluar hyrja në vend e të huajve, si dhe është dhënë urdhër për të zvogëluar numrin e fluturimeve ndërkombëtare.

Kina aktualisht lejon jo më shumë se 134 fluturime ndërkombëtare në javë për të përmbushur nevojat e qytetarëve dhe studentëve jashtë vendit që duan të kthehen në shtëpi, dhe 108 fluturime janë miratuar këtë javë, tha Zv/Drejtori i Përgjithshëm Kinez për Aviacionin Civil, Lu Erxue.

Rastet asimptomatike

Një milion e 600,000 studentë kinezë studiojnë jashtë vendit, 36 prej të cilëve rezultuan pozitivë, tha zv/ministri i Jashtëm Ma Zhaoxu. Sipas shërbimit mjekësor krahinor, një rast asimptomatik u raportua në Henan, i cili vinte nga jashtë.

Dhjetë raste asimptomatike janë nën mbikëqyrjen mjekësore, nga të cilat gjashtë janë udhëtarët që kanë ardhur nga jashtë. Katër rastet e tjera ishin të infektuar në vend.

Ndërkohë, 37 raste asimptomatike janë shfaqur në provincën Hubei, epiqendra e epidemisë, raportoi Xinhua.

Numri i rasteve të reja asimptomatike ka rënë ndjeshëm në 55 sot nga 130 dje. /tesheshi.com/

 

 

auto pjese dak

Related posts

WP2Social Auto Publish Powered By : XYZScripts.com