Auto Dak
Auto Dak

Kërcënimi amerikan, Mitsotakis: tankeri iranian nuk po vjen drejt Greqisë

Tankeri iranian, të cilin SHBA dëshiron ta bllokojë, nuk po shkon në drejtim të Greqisë – tha kryeministri grek Kyriakos Mitsotakis.

Tankeri u nis të dielën nga Gjibraltari, ku u mbajt i bllokuar për javë të tëra dhe tani lundron Detin Mesdhe, me njoftime të mediave që thanë më parë se po shkonte drejt portit grek të Kalamatës, në bregdetin jugor të Peloponezit, dhe ishte planifikuar të mbërrinte të hënën.

Mitsotakis u tha mediave se cisterna nuk po lëvizte për në Greqi, duke theksuar se autoritetet greke nuk kishin pranuar një kërkesë për t’u ankoruar në një port grek.

SHBA dëshiron të kapë atë, duke pretenduar se ka lidhje me Gardën Revolucionare Iraniane.

Zëvendësministri i Jashtëm grek, Miltiadis Varviciotis tha dje se Greqia nuk do të rrezikonte marrëdhëniet e saj me SHBA duke ndihmuar një tanker iranian.

Ai tha se Athina është nën presion nga autoritetet amerikane, të cilët thonë se cisterna është e lidhur me një organizatë nën sanksione.

Varviciotis i tha Antena-s se një cisternë 330 metra e gjatë, ishte, sidoqoftë, shumë e madhe për t’u ankoruar një nga portet greke.

Cisterna vetëm mund të lundrojë në ujërat greke ose të ankorohet në det, tha Varviciotis, duke shtuar se nëse kjo ndodh, Athina do të shohë se çfarë do të bëjë, raporton AP.

Sekretari i Shtetit Mike Pompeo tha më herët se SHBA. do të bënte gjithçka që të mundte për të parandaluar që cisterna iraniane në Mesdhe të dërgonte naftë në Siri dhe kështu të shkelte sanksionet e SHBA.

Pompeo paralajmëroi Athinën zyrtare që të mos ndihmojë tankerin iranian dhe kërcënoi me sanksione nëse kjo do të ndodhte, njoftoi Reuters.

Greqia tha se nuk kishte marrë asnjë kërkesë nga anija për t’u ankoruar në një nga portet e saj.

Tankeri mban rreth dy milion fuçi nafte. /tesheshi.com/

auto pjese dak

Related posts