Auto Dak
Auto Dak

Kauza e “Unazës”, PD kallzon penalisht krerë policorë: u ranë në qafë protestuesve

PD, në mbajtjen gjallë të kauzës së “Unazës së re”, atje ku prej muajsh zhvillohen protesta me karakter social por dhe me prirje politike, bëri një kallëzim penal ndaj kreut të Policisë së Tiranës, Rebani Jaupi, si dhe disa drejtuesve të tjerë policorë, e kjo pas arrestimeve në emër të Kodit të ri Penal, të disa protestuesve të zona e “Astirit”.

Sipas PD-së, ky është një dhunim i të drejtës për të protestuar.

Partia Demokratike i kërkon Prokurorisë hetimin ndaj Drejtorit të Policisë së Qarkut Tiranë, Shefit të Komisariatit të Policisë së Shtetit nr. 6, Tiranë, Punonjësve të Policisë së Shtetit, të cilët janë angazhuar në aksionin policor të dhunimit flagrant të protestuesve, ndonëse këta të fundit kishin kërkuar leje për tubim paqësor urgjent kundër projektit korruptiv të ‘Unazës së Re’.

Në padi kërkohet pezullimi i ushtrimit të detyrës publike të përfaqësuesve të lartpërmendur të policisë.

Akuzat në padinë që Partia Demokratike ka depozituar në prokurori janë:  ‘Shpërdorim i detyrës’, ‘Kryerje e veprimeve arbitrare’, ‘Mosmarrje e masave për të ndërprerë gjendjen e paligjshme’, ‘Pengim në ushtrimin e të drejtës për t’u shprehur, grumbulluar apo manifestuar'”, thuhet në deklaratën e PD-së. Sipas saj, policia u ka rënë në qafë protestuesve

“Banorët e Unazës së Re kanë zhvilluar protestën e tyre paqësore dhe pa asnjë akt dhune. Në përfundim të protestës, një numër i konsiderueshëm punonjësish policia, disa prej tyre të paidentifikuar dhe të veshur civil, kanë filluar një aksion të paligjshëm policor, duke shoqëruar dhe më pas arrestuar me dhjetra qytetarë.Disa prej qytetarëve që i është hequr liria, rezulton se kanë qenë thjeshtë kalimtar në zonën ku ishte zhvilluar protesta. Disa të tjerë kanë qenë pjesëmarrë në atë proteste. Qytetarët pa asnjë shkak janë shoqëruar për në ambientet e Komisariatit nr. 6 Tiranë dhe në Drejtorinë e Qarkut Tiranë”, thuhet në deklaratën sqaruese. /tesheshi.com/

 

 

auto pjese dak

Related posts