Auto Dak
Auto Dak

Katër kenianë, nga Nairobi në Mekë me biçikletë për një kauzë (video)

Katër miq kanë udhëtuar me biçikletë nga kryeqyteti i Kenias, Nairobi, drejt Mekës për të kryer haxhin, por dhe një kauzë, atë të arsimimit të fëmijëve,  sipas BBC.

Njëri prej tyre, Mohhamed Zahir theksoi se udhëtimi ishte i gjatë 3.500 kilometra. Ai shpjegoi qëllimin e udhëtimit.

“Ne jemi katër vëllezër që dëshirojmë të kontribuojmë në arsim përmes çiklizmit”, tha ai.

Me këtë përpjekje, ata donin të mblidhnin 50,000 dollarë ose më shumë prej 87,000 dollarësh për arsimimin e djemve në institutin kenian “Al Furqan”.

Zahir tregoi se ata duhej të përgatiteshin fizikisht për udhëtimin. Sipas tij, ata janë ushtruar tetë muaj.

Ai shpjegoi rrugën që do përshkonin.

“Ne do të udhëtojmë nga Kenia, përmes Etiopisë, Sudanit, në Arabinë Saudite. Do të duhen afërsisht 45 ditë. Ne do të udhëtojmë njëqind kilometra në ditë”, theksoi ai.

Kenianët patën sukses në rrugën dhe qëllimin e tyre: pas 45 ditësh udhëtimi, ata mbërritën në Mekë, raporton BBC.

auto pjese dak

Related posts