Auto Dak
Auto Dak
Auto Dak

Ish-laboratori bërthamor rus, hetime në viruset antikë

Laboratori kombëtar Vektor i Rusisë njoftoi se po fillon të hetojë viruset prehistorike duke analizuar mbetjet e kafshëve të gjetura në permfrost të tretur, të ashtuquajturat “akulli i përjetshëm”.

Laboratori me bazë në Siberi tha se projekti synon të identifikojë paleoviruset dhe të kryejë kërkime të përparuara mbi evolucionin e virusit.

Kërkimi, i cili po kryhet në bashkëpunim me Universitetin e Yakutsk, shkruan AFP, filloi me analizën e indeve të nxjerra nga një kalë parahistorik që besohet të jetë së paku 4,500 vjet i vjetër.

Vektori tregon se këto mbetje u zbuluan në vitin 2009 në Yakutia, një rajon i gjerë siberian ku shpesh zbulohen mbetjet e kafshëve paleolitike, përfshirë mamuthët.

Studiuesit thanë se ata do të hetonin edhe mbetjet e mamuthëve, moçave, qenve, thëllëzave, brejtësve, lepujve dhe kafshëve të tjera parahistorike.

Maxim Cheprasov, shefi i laboratorit në Muzeun Mammoth në Universitetin Yakutsk, tha se kafshët e gjetura kishin qenë tashmë objekt i studimeve bakteriale. Por, shtoi ai, “kjo është hera e parë që ne po kryejmë studime mbi paleoviruset”.

Një ish-qendër për zhvillimin e armëve biologjike në epokën sovjetike, Laboratori Vektor në rajonin e Novosibirsk të Siberisë është një nga dy të vetmet në botë ku ruhet virusi i lisë.

Shtoji kësaj faktin se laboratori Vector ka zhvilluar vaksinën EpiVacCorona, e cila u miratua në Rusi në tetor, dhe prodhimi masiv i të cilit duhet të fillojë në fund të këtij muaji. /tesheshi.com/

auto pjese dak

Related posts