Auto Dak
Auto Dak
Auto Dak

IN MEMORIAM/ Pse Hamasi qan vdekjen e Maradonës e kur Diegoja deklarohej për Sirinë: duan ta zhdukin!

Ndërsa bota mban zi për vdekjen e legjendës së futbollit Diego Maradona, ka shumë që të kujtojnë zërin që ai ngriti për palestinezët.

Ish-lojtari i madh argjentinas, fitues i titullit botëror në 1986, vdiq të mërkurën në moshën 60 vjeç.

Ai vdiq vetëm dy javë pasi u nxorr nga një spital në Buenos Aires pas një operacioni në tru.

Maradona njihej si një anti-imperialist dhe socialist, i cili shpesh mbështeste lëvizjet e majta.

Ai mbajti marrëdhënie miqësore me ish-udhëheqësin e Venezuelës Hugo Chavez, presidentin e ndjerë kuban Fidel Castro dhe ish-udhëheqësen boliviane Eva Morales.

Ai u pa shumë herë në shoqërinë e Chavezit, duke veshur bluza me parulla kundër presidentit të atëhershëm amerikan George W. Bush.

Ai gjithashtu mbështeti Palestinën, edhe pasi mbaroi karrierën e tij në fushën e lojës.

Në një cicërimë, zëdhënësi i Hamasit Sami Abu Zuhri shprehu ngushëllimet e tij për familjen dhe tifozët e Maradonës në të gjithë botën.

“Ne jemi shumë të pikëlluar nga vdekja e beftë e një prej futbollistëve më të mëdhenj. Maradona, i cili ishte gjithashtu i njohur për mbështetjen e palestinezëve,” shkroi ai.

Në vitin 2012, Maradona e quajti veten “tifozi më i madh i popullit palestinez”.

“Unë i respektoj dhe i simpatizoj. Unë mbështes palestinezët pa frikë,” tha ai.

Dy vjet më vonë, kur Izraeli kreu një ofensivë në Rripin e Gazës, në të cilën të paktën 3,000 palestinezë u vranë, Maradona shprehu zemërimin dhe kritikoi Izraelin.

“Ajo që Izraeli po u bën palestinezëve është e turpshme”, tha ai në një deklaratë.

Një vit më vonë, po qarkullonin zëra se Maradona ishte në negociata me Shoqatën Palestineze të Futbollit, për mundësinë e marrjes së pozicionit të trajnerit në ekipin kombëtar palestinez për Kupën e Azisë 2015.

Në korrik 2018, ai u takua me presidentin palestinez Mahmoud Abbas në Moskë, ku përsëriti mbështetjen e tij për palestinezët.

“Në zemër, unë jam palestinez”, i tha ai Abasit dhe e përqafoi atë, në një klip që postoi në faqen e tij në Instagram.

Në të njëjtin vit, Maradona shprehu mendimin e tij mbi rolin amerikan në Siri.

“Ju nuk keni nevojë të shkoni në kolegj për të ditur që Shtetet e Bashkuara duan të zhdukin Sirinë”, tha ai. /tesheshi.com/

 

 

auto pjese dak

Related posts