Auto Dak
Auto Dak
Auto Dak

Ikje në kohë të “paduhur”: shuhet i madh Gëzim Kruja, humoristin s’ka kush e përcjell

Eshtë shuar në moshën 80-vjeçare aktori i njohur i humorit shkodran ndër vite, Gëzim Kruja.

Prej kohësh ai vuante nga një sëmundje e cila ia kishte bërë të pamundur të folurit.

Gëzim Kruja karrierën humoristike e nisi që në moshën 13-vjeçare. Fillimet me estradën amatore nisën që në kohën kur ishte ushtar më 1958. Më pas vazhdoi aktivizimin në vitin 1960 me estradën profesioniste të Shkodrës. Gëzim Kruja mbaroi në vitin 1979 Institutin e Lartë Pedagogjik, dega e Gjuhës dhe Letërsisë në Shkodër.

Ai kaloi një jetë në skenën shkodrane të humorit, ku spikati me rolet e tij të shumta. Gëzim Kruja shkroi 15 komedi, 10 recitate, 2 libra me monologë gazmor, ndërsa interpretoi mbi një mijë role në skeçe të ndryshme në 52 vite. Në vitin 2004 mori titullin “Krenaria e Qytetit”, ndërsa një vit më pas “Naim Frashëri i Artë” dhe në 2010 “Mjeshtër i Madh”.

Ikja e Gëzim Krujës ndodh në një kohë të vështirë të izolimit dhe distancimit social, që do të thotë se do jetë e pamundur një përcjellje klasike drejt banesës së fundi.

Si për ironi fati, Shkodra, e cila tashmë po konsidserohet si një vatër e re infeksioni në Shqipëri, e ka pësuar nga një ceremoni mortore pak javë më parë, ku nuk janë respektuar masat e distancimit social. /tesheshi.com/

 

 

auto pjese dak

Related posts

WP2Social Auto Publish Powered By : XYZScripts.com