I ftuari vetëflijohet pas presionit, anulohet shfaqja e famshme në Britani

Transmetuesi britanik ITV ka anuluar një shfaqje të famshme televizive pas vdekjes së një mysafiri i cili dështoi në testin e detektimit të gënjeshtrës.

Rasti ka ngjallur debatin mbi etikën e televizionit tabloid, dhe ka nxitur hetim parlamentar mbi rregullimin e programeve që vënë anëtarët e publikut nën presion publik.

Shefi ekzekutiv i ITV, Carolyn McCall tha se “Shfaqja e Jeremy Kyle” po hiqet “duke pasur parasysh rëndësinë e ngjarjeve të fundit”.

Shfaqja e stilit tabloid, e cila ishte drejtuar për 14 vjet dhe trajton rastet emocionale dhe konfrontuese, u tërhoq nga transmetimi pasi 63-vjeçari Steve Dymond u gjet i vdekur në shtëpinë e tij në Portsmouth.

Mediat raportuan se ai i kishte marrë jetën vetes pasi dështoi që ta bindë të fejuarën se nuk e kishte tradhtuar, duke qenë se testi i kryer në emision e nxori si “gënjeshtar”.

Episodi nuk është transmetuar.

Simon Wessely nga Kolegjit Mbretëror të Psikiatërve, tha se shfaqjet si “Jeremy Kyle” ishin “teatër i mizorisë”.

Vdekja e Dymond ka rritur shqetësimin në Britani për stresin që u vihet njerëzve në shfaqje të ngjashme, dhe ka nxitur thirrjet që televizionet të kenë më shumë parasysh etikën dhe dinjitetin njerëzor.

ITV nuk është e panjohur për këso rastesh.

Televizioni po hetohet edhe për shkak të vdekjes së dy ish-konkurrentëve të reality show “Love Island”. Sophie Gradon dhe Mike Thalassitis ishin vetëflijuar pak pasi kishin mbaruar garën televizive që ngjan me atë të Big Brother. /tesheshi.com/

auto pjese dak

Related posts