Auto Dak
Auto Dak
Auto Dak

Hollanda prezanton “Bllokim inteligjent”: Gjoba nga 400 deri 4000 euro

Hollanda ka ndaluar të gjitha tubimet deri në 1 qershor për infeksionin COVID-19, dhe gjobat tw majme janë shqiptuar për shkelje të masave.

Deri më tani, ndalimi i mbledhjes së më shumë se njëqind njerëzve ka qenë në fuqi.

Mbetet një rekomandim i fortë që qytetarët të qëndrojnë në shtëpi sa më shumë që të jetë e mundur, të largohen nga shtëpia vetëm për punë nëse nuk mund të punojnë nga shtëpia, të blejnë sende ushqimore ose t’u ofrojnë kujdes dhe ndihmë të tjerëve. Ecja është e lejuar, por jo në një grup dhe i nënshtrohet zbatimit të rreptë të rregullit të mbajtjes së një distance prej 1.5 metrash.

Vizitat në shtëpi tek më shumë se tre persona nuk lejohen në të njëjtën kohë, dhe përsëri me një distancë të detyrueshme prej 1.5 metrash, gjë që praktikisht ndalon festat e ndryshme.

Për njerëzit me ethe, anëtarët e familjes së tyre nuk lejohen të largohen nga shtëpia. Përjashtim bëjnë ata të punësuar në sektorë jetikë.

Dyqanet dhe transportuesit publik duhet të sigurojnë që njerëzit të jenë brenda distancës së përcaktuar prej 1.5 metrash, përndryshe do të pasojë një gjobë prej tre deri në katër mijë euro.

Ofruesve të shërbimeve që përfshijnë kontaktin fizik, siç janë parukierët dhe zbukuruesit, u është ndaluar puna deri më 6 prill. Kryetarëve të komunave u është dhënë mundësia që t’u përgjigjen rregullave të urgjencës nëse qytetarët nuk zbatojnë masat e përcaktuara: ata mund të mbyllin dyqane, parqe, sheshe lojërash ose plazhe.

Policia do të ndërhyjë nëse njerëzit mblidhen ose lëvizin në grupe prej tre ose më shumë personash, me përjashtim të familjeve, dhe janë caktuar gjobat deri në katërqind euro.

“Bllokimi inteligjent” siç e quajti Kryeministri Mark Rutte këtë paketë masash ka për qëllim të mbrojë të moshuarit dhe të prekurit, dhe nëse është e nevojshme, hapi tjetër është një pengesë e plotë.

Në Hollandë, 213 njerëz, 55 deri 97 vjeç, kanë humbur jetwin nga soji i ri i koronavirusit.

Përkundër rekomandimit të Organizatës Botërore të Shëndetit dhe kritikës në rritje të ekspertëve, Hollanda vazhdon të kryejë më pak teste sesa vendet përreth – gjithsej rreth 30,000 njerëz janë testuar deri më tani. /tesheshi.com/

 

auto pjese dak

Related posts