Auto Dak
Auto Dak

Hahn: Shqipërisë dhe Maqedonisë së Veriut, meritojnë t’u hapen negociatat

Komisioneri në largim për Politikën e Zgjerimit dhe Fqinjësisë në BE, Johannes Hahn beson se Maqedonia Veriore dhe Shqipëria meritojnë të fillojnë bisedimet e anëtarësimit me Bashkimin.

Maqedonia Veriore, beson Hahn, ka bërë përparim domethënës, ku më domethënësja është nënshkrimi i Marrëveshjes së Prespës, e cila zgjidhi mosmarrëveshjen me Greqinë.

“Marrëveshja e Prespës, e cila i dha fund mosmarrëveshjes së gjatë për emrin, do të jetë pjesë e librave të historisë. Kur mora detyrën, shteti ishte në mes të një krize politike që kërkonte vite dhe vizita të shumta në Shkup. Dhe tani, pesë vjet pas kësaj, ne po i lëmë një rrugë evropiane Ballkanit Perëndimor”, tha Hahn në një intervistë për malazezen News.

Ai shton se BE do të vazhdojë të bëjë presion për integrimin evropian të rajonit, jo për shkak të zgjedhjes së një personi të veçantë për të udhëhequr sektorin e zgjerimit, por për shkak të interesit të qartë të Bashkimit Evropian.

Ish-ministri hungarez i Drejtësisë, Laszlo Trocsanyi është Komisioneri i ri i Fqinjësisë dhe Zgjerimit.

Ai tha se ishte “i nderuar me linjën” që i ishte besuar, dhe njoftoi në Tëitter se po bashkëpunonte me Parlamentin Evropian dhe kreun e ardhshëm të diplomacisë evropiane, Josep Borrell. /tesheshi.com/

auto pjese dak

Related posts