Auto Dak
Auto Dak
Auto Dak

Hackers-at lanë një mesazh në faqen e internetit të fushatës së Trump-it

Uebfaqja zyrtare e fushatës presidenciale të Donald Trump u hakua për pak kohë të martën, shtatë ditë para zgjedhjeve presidenciale të SHBA.

“Kjo faqe është kapur,” lexonte një mesazh i postuar disa minuta më vonë në donaldjtrump.com.

“Bota është e ngopur me informacione të rreme që presidenti po përhap çdo ditë,” u shkrua aty.

Autorët e mesazhit pretenduan se kishin informacion konfidencial në lidhje me Donald Trump dhe qeverinë e tij dhe kërkuan pagesa në kriptovaluta për të zbuluar përmbajtjen e saj.

Sidoqoftë, hakerat nuk ofruan ndonjë provë për të mbështetur deklaratat e tyre.

Zëdhënësi i fushatës së Trump 2020, Tim Murtaugh konfirmoi hakimin e faqes në internet, duke thënë se ai ishte duke punuar me policinë për të gjetur burimin e sulmit.

“Asnjë e dhënë e ndjeshme nuk është zbuluar sepse asnjë prej tyre nuk është ruajtur në këtë sit,” tha ai, duke shtuar se faqja po punon përsëri. /tesheshi.com/

auto pjese dak

Related posts