Auto Dak
Auto Dak
Auto Dak

Gorilla me COVID në San Diego: nga e morrën virusin?

Disa gorilla në San Diego Zoo Safari Park në California janë infektuar me koronavirus, rasti i parë i njohur i virusit që transmetohet tek majmunët e mëdhenj, njoftoi të hënën kopshtin zoologjik.

Tetë gorilla mendohet të jenë infektuar me virusin nga një anëtar i stafit asimptomatik, pavarësisht respektimit të protokolleve të rrepta të biosigurisë në përputhje me udhëzimet nga Qendrat Amerikane për Kontrollin dhe Parandalimin e Sëmundjeve.

Kopshti zoologjik testoi mostrat e jashtëqitjeve të gorillave pasi dy kafshët filluan të kolliteshin të mërkurën, thuhej në deklaratë.

Rezultatet paraprake treguan praninë e virusit vetëm në disa gorilla, por meqenëse këto kafshë jetojnë së bashku, zyrtarët e kopshtit zoologjik supozojnë se një grup i tërë prej pesë femra dhe tre meshkuj janë të infektuar.

Tre gorilla aktualisht po tregojnë shenja të sëmundjes, duke përfshirë një kollë, dhe i gjithë grupi është nën mbikëqyrje.

“Përveç kongjestionit dhe kollitjes, gorillat po ia kalojnë mirë. Grupi qëndron së bashku por është në karantinë,” tha Lisa Peterson, drejtoresha ekzekutive e Safari Park.

Koronavirusi është gjetur gjithashtu në një numër speciesh të tjera të botës së egër në robëri, duke përfshirë disa luanë dhe tigra në kopshtin zoologjik Bronx në New York City dhe katër luanë në kopshtin zoologjik të Barcelonës në Spanjë.

Por gorillat në San Diego janë rasti i parë i njohur i infeksionit i konfirmuar në majmunë, tha zëdhënësi i kopshtit zoologjik Andrew James. /tesheshi.com/

auto pjese dak

Related posts