Gjokoviç mposht Federer dhe fiton Wimbledonin për të pestën herë, feston duke ngrënë bar (video)

Lojtari më i mirë në botë i tenisit, serbi Novak Gjokoviç, fitoi për të pestën herë turneun e Wimbledon, duke mposhtur pas një luftë të madhe në pesë sete Roger Federer.

Kjo ishte e treta ndeshje mes Gjokoviç dhe Federer në finalen e Wimbledon, ku në të trija ka dalë fitues, duke llogaritur pra 2014 dhe 2015.

“Kjo është ndoshta finalet më emocionuese që kam luajtur ndonjëherë”, tha Gjokoviç

Për Gjokoviç ky ishte i 16 “Grand Slam” i fituar në karrierën e tij, duke iu afruar kështu Federerit që kryeson me 20, ndërsa spanjolli Rafael Nadal ka fituar 18 “Grand Slam”-e.

Pas fitores, serbi kreu një rit, atë të ngrënies së një fije bari, për të cilin para një viti sqaroi: “Është një lloj tradite. Unë si fëmijë kam ëndërruar të shkoj në Wimbledon, dhe si çdo fëmijë, ëndërroni të bëni diçka të çmendur kur keni sukses. Dhe meqë kam sukses kjo është një nga ato gjëra të çmendura  (ngrënia e barit)”, tha Gjokoviç në vitin 2018 për BBC. /tesheshi.com/

auto pjese dak

Related posts