Gara për kryeministër: Britania do drejtohet nga një grua për herë të parë që nga Margaret Thatcher

Gara për kryeministrin e ardhshëm të Britanisë së Madhe u reduktua në garë mes dy kandidateve, ndërsa ligjvënësit e partisë Konservatore kanë vendosur që vendi të ketë një lidere grua – e para që kur Margaret Thatcher u largua nga detyra më shumë se çerek shekulli më parë.

Gara tashmë bëhet mes sekretares për çështjet e brendshme, Theresa May dhe ministres së Energjisë, Andrea Leadsom si konkurrencë med dy kandidateve që ishin në kahët e kundërta të fushatës së referendumit për anëtarësinë në BE.

Në votimin e 330 deputetëve konservatorë, May mori më shumë vota, 199 të tilla krahasuar me 84 vota për Leadsom. Kandidati i tretë, Michael Gove, u skualifikua pasi siguroi vetëm 46 vota.

Gove surprizoi politikën britanike javën e shkuar duke hyrë në garë në momentin e fundit. Një lëvizje e tillë deturoi favoritin, ish-kryebashkiakun e Londrës, Boris Johnson të largohej nga gara përpara se hynte në të. Por tradhtia e papritur e Gove zemëroi gjithashtu shumë ligjvënës konservatorë duke i detyruar ata të kërkojnë një kandidat alternativë për të konkurruar përballë të avantazhuarës, May.

Kjo alternativë ishte Leadsom, relativisht e panjohur në politikën britanike e cila u bë ministre e koalicionit vetëm një vit më parë, por që nuk ka shërbyer asnjëherë në cabinet, që normalisht është parakusht për të mbajtur postin më të lartë të vendit.

Por, Theresa May tashmë përballë saj, duhet të bindë rangjet partiake për kandidaturën e saj, të cilët do të mendohen gjithë verën për të zgjedhur një fitues. Secila nga gratë që do të dalë fituese, do të bëhet kryeministre e vendit më 9 shtator, duke marrë detyrën nga David Cameron. Ky i fundit dha dorëheqjen vetëm një ditë pas referendumit që nuk arriti të mbante Britaninë në BE.

Si Leadsom ashtu edhe May do të jetë kryeministrja e parë grua në Britani që në kohën e Thatcher, e cila drejtoi vendin në vitet 1979-1990 dhe e dyta në historinë britanike.

Me një grua në pozicionin drejtues më të lartë në Britani, me Hillary Clinton që kryeson sondazhet për zgjedhjet presidenciale në Shtetet e Bashkuara dhe kancelaren Angela Merkel që vijon të qeverisë Gjermaninë, tre nga fuqitë më të mëdha të perëndimit mund të qeverisen nga politikanet femra duke nisur nga janari, në një ngjarje historike.

PërgatitiL Juli Prifti – /tesheshi.com/

auto pjese dak

Related posts