Auto Dak
Auto Dak

GABIMI/ Valdrin Pjetri, ky naiv! Në politikë pa njohur PD-në…

Basha e quajti “një kriminel më pak”, por sipas një analizë-sinteze të deritanishme mbi proçkën e Valdrin Pjetrit, fshehjen e një dënimi për trafik droge në të ritë e tij në Itali, të cilin ai në mesazhin e dorëheqjes e konsideron si një banalitet, i riu që nuk mundi ta drejtojë Shkodrën për asnjë ditë, është thjesht një naiv më pak në politikë, ky si përcaktor më i butë për të, pasi më ashpërsisht mund të quhet dhe leshko. Sa i përket statusit “kriminel” që ia jep PD, kjo e fundit është e kompromentuar në qasjen morale ndaj figurës së Pjetrit derisa e kë patur kontigjent të saj në qeverisje, duke i besuar një drejtori për të cilën duhet të kesh allate të rënda. Dhe, pa e sqaruar se si e qysh është futur një kriminel në administratën e saj, duke qenë madje në një sektor kyç të anti-mafias siç Agjencia e Sekuestrimeve të Pasurive nga Trafiqet, nuk ka asnjë të drejtë morale që ta përdorë si kartë morale të kaluarën e tij për të tashmen nën siglën socialiste.

E tani vijmë te Valdrini. Vëreni se ç’thotë në mesazhin e dorëheqjes dhënë pak ditë më parë: “Një ngjarje krejt banale e ndodhur në mes të shokëve të mi bashkëstudent, në të cilën unë nuk kam asnjë faj e përgjegjësi e nuk i kisha kushtuar rëndësi, 17 vjet më parë në moshën 20-vjeçare, u nxor nga konteksti dhe rreth saj u ngritën akuza e linçime përtej çdo skrupulli moral e njerëzor.

Nuk e kisha menduar kurrë që një ditë do të gjendesha përballë akuzave të tilla…”. I thotë pra këto fjalë, e justifikon veten kësisoj, duke jetuar politikisht në kohën kur i vetmi investimi i PD-së, e pse jo, i vetmi sukses i saj, është pikërisht biografia e kundërshtarit.

Edhe si traditë politike, PD e ka specialitet gërmimin në të kaluarën e kundërshtarit, në familje e fis, për të gjetur aty cene të llojllojshme, disa dhe krejt normale si pjesë e papërsosmërisë njerëzore, duke i kapitalizuar ato mjeshtërisht, edhe amoralshëm njëherësh, në funksion të luftës politike. Eshtë tipikisht mënyra e të mënduarit dhe vepruarit politikisht të Berishës, ku si shumëçka e karaktetit të tij, pasqyrohet në makro e mikro në të gjithë konstruktin mental të PD-së. Eshtë një pikë ku mund të thuhet se “kur thuhet PD nënkuptohet Berisha, e kur thuhet Berisha nënkuptohet PD”. Sepse, siç duket e është mëse e qartë, edhe Basha përcjell përputhshmërisht, si gjuhë e mënyrë të menduari, atë çfarë është Berisha. As njëri e as tjetri nuk e kanë në ADN-në e tyre atë që duhet të ekzistojë gjithsesi te një politikan; një projekt, një vizion, një program, një reformë, por gati totalisht vetëm goditjen e kundërshtarit, duke bërë që dhe në ligjërim të mos u lënë brezave asnjë thënie të vyer, por vetëm akuza, akuza, akuza…

Ndaj dhe në këtë frymë, e cila u potencua edhe më fort pas humbjes së pushtetit më 2013, ku u zgjodh strategjia e gërmimit në biografi, PD ia ka arritur t’i japë një goditje jo të vogël e jo pa pasoja mazhorancës qeverisëse. Jo se vërtet kjo e fundit e ka mbushur qeverisjen me kriminelë, porse deri para 2013-ës, as që ekzistonte si debat. Eshtë një armë e pas 2013-ës e futur në përdorim. Se ja, Valdrini, apo dhe Arben Ndoka i Lezhës, kanë qenë dhe pjesë e niveleve të qeverisjes demokrate, por askush nuk është marrë me ta. Armando Prenga i Kurbinit ka qenë deputet edhe para 2013-ës, por nuk figuronte si “kontigjent krimi”para këtij viti. Po kështu dhe Elvis Rroshi i Kavajës, që për më tepër edhe ai vinte nga strukturat e PD-së.

Dhe në kulmin pra të përdorimit të kësaj arme të pamëshirshme, Valdrin Pjetri shkon e fsheh atë që fare mirë PD-ja do ia nxirrte, nëse do kish qenë pak me këmbë në tokë. Sepse jo vetëm u dogj politikisht e morri një njollë të rëndë publike, por ka kostuar dhe rëndë politikisht, duke e shtuar dhe më tej dozën e krizës politike. Nuk ia kish borxh këtë një shoqëri e tërë. Naiv? Leshko më mirë thuaj!

Edhe Petro Koçi, në një koment të tij, të tillë e quan Valdrinin, një naiv. “Valdrini mban pergjegjesi te pashlyeshme ndaj publikut dhe PS per ate qe duket deri tani si nje naivitet vetevrases per mosdeklarimin e episodit rendues studentor”, shkroi nr.2 i Mbrojtjes, një ndër figurat tradicionale të PS. /tesheshi.com/

 

 

 

auto pjese dak

Related posts