Auto Dak
Auto Dak
Auto Dak

Futbolli në dilemë: ç’fat do ketë Europiani i sivjetshëm?

UEFA do të mbajë një takim të martën në lidhje me vijimësinë e Champions League dhe të Europa League, si dhe me shtyrjen e mundshme të Europianit për vitin e ardhshëm.

Në takim do të diskutohet mënyra si do të vijojë sezoni futbollistik.

Sipas britanikes “Daily Mirror”, UEFA po mendon për ndeshje me një takim për çerekfinalet dhe gjysmëfinalet e dy veprimtarive kryesore europiane për klube.

Përfaqësuesit e 55 federatave të futbollit të vendeve europiane do të japin dhe mendimin e tyre për zhvillimin në 2021-shin të kampionatit europian të parashikuar për verën e këtij viti.

Ndërkohë, FIFA doli dje me një deklaratë, ku flitej për pezullimin e aktivitetit futbollistik ndërkombëtar.

“Të luhen ndeshje në rrethana të tilla,” thoshte deklarata, “jo vetëm mund të paraqesë rreziqe të mundshme shëndetësore për lojtarët (dhe për publikun e përgjithshëm), por gjithashtu do të komprometonte gjithashtu me shumë gjasa integritetin sportiv të ndeshjeve të tilla për sa kohë që ekipe të caktuara mund të jenë pa përbërjet e tyre më të mira ndërsa të tjerat jo.”

FIFA sugjeroi pezullimin e të gjitha aktiviteteve ndërkombëtare për muajt dhe prill: “Prandaj, për të shmangur çdo rrezik të panevojshëm shëndetësor dhe çdo situatë të pandershmërisë së mundshme sportive, rekomandojmë që të gjitha ndeshjet ndërkombëtare të planifikuara më parë për t’u zhvilluar në mars dhe prill duhet të shtyhen deri në një kohë të tillëqë mund të luhen në një mjedis të sigurt, si për lojtarët dhe për publikun.” /tesheshi.com/

auto pjese dak

Related posts