Auto Dak
Auto Dak
Auto Dak

FMN parashikon recesion më të keq se 2008-ta, gati një takim i G-20

Drejtuesja e Fondit Monetar Ndërkombëtar, Kristalina Georgieva tha në një telekonferencë për G20 se recesioni global pas pandemisësë korona virusit mund të jetë më i keq se ai që pasoi krizën financiare të vitit 2008.

Ajo paralajmëroi ministrat e financave dhe guvernatorët e bankave qendrore që parashikimet e rritjes globale janë negative për vitin 2020 dhe tha se “duhet të presim një recesion që do të jetë të paktën aq i rëndë sa ç’ishte gjatë krizës financiare globale, ose më keq”,.

“Por ne presim shërim në 2021”, tha ajo në një qasje edhe optimiste.

Presidenti francez Emmanuel Macron dhe udhëheqësi kinez Xi Jinping kanë kërkuar një samit të jashtëzakonshëm të G20, ka njoftuar zyra e presidentit francez.

“Mbajtja e një takimi të tillë do të ishte veçanërisht e dobishme në fushën sanitare, me përfshirjen e OBSH për të punuar së bashku në ilaçe dhe vaksina,” thoshte deklarata, duke shtuar se samiti i G20 – i cili bashkon 20 ekonomitë më të fuqishme në botë – do të ishte i dobishëm dhe “në frontin ekonomik”.

Samiti i rregullt i G20 është planifikuar të zhvillohet në Riad në 21-22 nëntor.

Ministrat e financave dhe guvernatorët e bankave qendrore të 20 ekonomive më të mëdha në botë ranë dakord në një telekonferencë për të koordinuar punën e tyre ndaj pandemisë gjithnjë e më serioze të koronvirusit, sipas nevojës, tha sekretari i Thesarit amerikan Steven Mnuchin për Fox News.

Mnuchin tha që SHBA është duke punuar ngushtë me vendet e G20, G7, Fondin Monetar Ndërkombëtar (FMN) dhe Bankën Botërore për krizën. /tesheshi.com/

auto pjese dak

Related posts