Flora Brovina e pranon: ma hodhën, fotoja e përdhunimit nuk ishte e vërtetë

Deputetja dhe aktivistja Flora Brovina e ka pranuar më në fund se fotoja që ajo që serviri publikut si dëshmi e ushtarëve serbë që përdhunonin një grua kosovare gjatë luftës, nuk ka qenë e vërtetë. Pra është fjala për një “fake neës”.

“Ju kërkoj falje për shqetësimin që ju kam sjellur me këtë foto, deklaroj se organet e shtetit do të merren me këtë çështje, dhe konstatoj se është një dokument i falsifikuar i cili është keqpërdorur shumë më herët qysh në vitin 2003 kur më është dorëzuar si kryetare e komisionit për personat e pagjetur”, ka thënë Brovina.

Më tej, ajo tregoi se si i ran ë dorë ajo fotografi.

“E kam marrë nga një asociacion, pra këshilli i drejtave të njeriut. Një aktivist ma ka dorëzua dokumentin në zarf dhe e dokumentonte se mund ta përdor dhe se personi është gjallë. Dëshmitare ka qenë edhe nënkryetarja e komisionit për personat e zhdukur. Unë kurrë s’kam menduar se dikush mund të më sjellë dokumente që nuk janë të verifikuara dhe të sakta. Shumica e dhunimeve në Kosovë kanë pasur situata të ngjashme, prandaj nuk kam besuar që ky dokument nuk është i saktë”, u shpreh Brovina.

Deputetja shoti se do të jetë në dispozicion të institucioneve të shtetit për këtë rast.

Ajo shkaktoi shumë reagime me shfaqjen e fotos, ku shumëkush e kundërshtoi aktin e saj, apo dhe pretendimin se çfarë shfaqej aty i përkiste luftës së Kosovës. /tesheshi.com/

 

auto pjese dak

Related posts