Auto Dak
Auto Dak

FATKEQËSIA/ “Bukuria që vret”: Kanioni i Holtës i merr jetën një 25-vjeçareje, shpëton familja

Kanioni i Holtës në Gramsh u shndërrua në një “bukuri që vret” në fundjavë, pasi një vajzë 25-vjeçare humbi jetën nga mbytja aty, e kapur në befasi nga një vërshim i papritur ujrash.

Viktima është Desantila Sollaku, e cila kishte shkuar si turiste se bashku me familjen e saj, në atë që konsiderohet si ndër perlat e natyrës shqiptare.

Për fat, tragjedia është ndalur vetëm te ajo, pasi babai, i vëllai dhe katër fëmijë, arritën të shpëtojnë.

Me ta raportohet të kenë qenë mbi 100 turist të tjerë, që posi ata kanë qenë duke shijuar kanionin, kur rryma e fuqishme e ujit i ka marrë me vete.

“Ne kemi shpëtuar njëri tjetrin. Na i sillte rryma njëri tjetrin nëpër duar, aq e fortë ishte. Vajzën e pamë që e mori uji, por ishim shumë larg dhe nuk bënim dot asgjë.

Fëmijën që shpëtova ma solli dallga e ujit në duar. Ai ishte me të atin, të cilit i shpëtoi nga duart si pasojë e ujit të rrëmbyeshëm dhe ma solli mua në duar”, rrëfeu një prej turistëve që pa e përjetoi tmerrin me sy.

Ndërsa një banor i zonës sqaroi atë që ndodhi. “Ngjarja ndodhi si pasojë e shirave të menjëhershëm. Turistët u futën por s’e kuptuan rrjedhjen e lumit. U mobilizuan të gjithë, por uji ishte i menjëhershëm dhe vajza nuk shpëtoi. Kjo njihet si zonë me prurje të menjëhershme, aq më tepër verës. Se kuptoj si nuk e kuptuan njerëzit brenda zhurmën e ujit”, tha ai.

Në operacionet e shpëtimit u angazhuan forca policore, zjarrfikëse dhe ekipe të emergjencave civile. /tesheshi.com/  

 

 

 

auto pjese dak

Related posts