Auto Dak
Auto Dak
Auto Dak

FATI/ Familja e Ben Ali-ut të Tunizisë: ku jetojnë me miliardat e ish-pushtetit

Që nga përmbysja e regjimit të presidentit tunizian Zine El Abidine Ben Ali, i cili u largua nga vendi pas demonstratave të vitit 2011, anëtarët e familjes së tij janë shpërndarë në shumë vende dhe jetojnë atje larg nga syri i publikut, duke marrë me vete pasurinë që kanë akumuluar gjatë viteve.

Sipas një raporti të Bankës Botërore në 2014, familja Ben Ali kontrollonte 21 përqind të ekonomisë së vendit.

Disa anëtarë të familjes Ben Ali kanë vdekur dhe të tjerët po përndiqen nga drejtësia, por ende nuk ka qenë e mundur të kompensohet dëmi që u kanë shkaktuar sektorëve të shumtë ekonomikë dhe familjeve që kanë qenë viktima të arrogancës së tyre.

Gruaja dhe dy vëllezërit e saj

Leila Trabelsi, 64 vjeçe, gruaja e Ben Aliut, të cilën shumica e tunizianëve e quajnë një “floktarja”, ende jeton në Jeddah me djalin e saj Mohammad dhe vajzën Nessrin.

Ajo është një nga figurat më të urryera të regjimit Ben Ali për tunizianët dhe përballet me ndjekje penale në një numër çështjesh.

Dy vëllezërit e Leila-s, Imad dhe Belhassen Trabelsi, akuzohen se kanë fituar pasuri të mëdha duke përvetësuar pronë kombëtare në Tunizi, duke i mundësuar familjes Trabelsi të krijojë një perandori të dominuar nga shitjet me pakicë, pasuritë e patundshme, rrjetet e shpërndarjes, komunikimet, kompanitë mediatike dhe agjencitë e shitjeve të makinave.

Belhassen, 58 vjeç, konsiderohet “kumbari” i familjes dhe sipërmarrësi më i pasur.

Ai u arratis me jaht në Itali në 14 janar, dhe më pas fluturoi me aeroplan privat në Kanada, ku jetoi në një apartament në një ndërtesë në Montreal deri në 2016.

Një zgjidhje e pasuksesshme në qindra miliona

Kur autoritetet refuzuan t’i japin atij azil, ai u largua nga vendi dhe u zhduk.

Belhassen paraqiti një kërkesë në Komisionin e së Vërtetës dhe Dinjitetit, të ngritur për të shqyrtuar çështjen e Drejtësisë Tranzicionale në Tunizi (1955-2013), për të arritur një zgjidhje në këmbim të kthimit të fondeve të përvetësuara.

Ai ofroi një miliard dinarë tunizianë (rreth 350 milion euro), por zgjidhja ishte e pasuksesshme.

Pas një arratisjeje tre-vjeçare, autoritetet franceze arrestuan Belhassen në mars 2019 në jug të vendit, me akuzat e pastrimit të parave.

Drejtësia franceze aktualisht po shqyrton një kërkesë nga autoritetet tuniziane për ekstradimin e Belhassen-it, i cili u dënua në vendin e tij me 33 vjet burg në mungesë për rastet e transaksioneve të dyshimta.

Sa për Imad Trabelsi, 46 vjeç, Trablesi më i famshëm në Tunizi, ai ka qenë në burg aty që nga viti 2011.

“Dhëndri i preferuar” përfundoi në Seychelles

Ai u arrestua në aeroport ndërsa po përpiqej të arratisej në Francë me disa anëtarë të familjes së tij në ditën e rënies së regjimit Ben Ali, më 14 janar 2011.

Imad konsiderohet e vetmja figurë e shquar në familjen Ben Ali, i cili është paditur dhe dënuar me 100 vjet burg.

Leila kishte dy vëllezër të tjerë, për të cilët nuk dihej shumë dhe këta ishin Moncef dhe Mourad Trabelsi.

Moncef vdiq në burg nga një tumor në tru në 2013, në moshën 63 vjeç, dhe Mourad, i cili vuante nga shumë sëmundje, vdiq në prill 2020, për shkak të neglizhencës mjekësore në burg, sipas familjes së tij.

Sakher El Materi, 39 vjeç, ish-burri i Nessrina Ben Ali, i njohur si “dhëndri i preferuar” i Ben Aliut dhe gruas së tij, shkoi në Seychelles në fund të 2012.

Organizata IWatch, e cila është e specializuar në monitorimin e rasteve të korrupsionit në Tunizi, thotë se atij i është dhënë nënshtetësia e Sishel.

Konglomeratet më të mëdha tregtare në vend

El Materi hyri në negociata me Komisionin e së Vërtetës dhe Dinjitetit në 2017, në një përpjekje për të arritur një marrëveshje që do t’i garantonte atij një kthim të sigurt në Tunizi, duke ofruar 500 milion dinarë (rreth 175 milion euro) si kompensim për shtetin.

Autoritetet franceze arrestuan babanë e tij Moncef El Materia gjatë një lundrimi në qershor 2011, në bazë të një urdhri arresti ndërkombëtar të lëshuar nga drejtësia tuniziane në 2011.

Drejtësia franceze refuzoi ta ekstradojë atë në Tunizi.

Sa për Marwan al-Mabrouk, ish-burri i Cyrine Ben Ali, vajza e Ben Ali nga martesa e tij e parë, ai është një sipërmarrës i cili rrallë fliste për media.

Mabrouk dhe vëllezërit e tij drejtojnë konglomeratet më të mëdha tregtare në vend.

Ata zotërojnë një rrjet tregtar që shesin sende ushqimore dhe makina.

Arriti në burgun e Emirateve

Sidoqoftë, në vitin 2019, ai arriti të kthente një pjesë të pronës, përfshirë një pjesë në kompaninë franceze të telekomunikacionit Orange, kur Bashkimi Evropian hoqi sanksionet kundër tij, pas së cilës kompania rifitoi këtë pjesë.

I ngjashëm ishte fati i Slim Chiboub, 61 vjeç, një nga figurat e regjimit Ben Ali i cili ishte më afër qytetarëve, pasi drejtonte klubin më të madh të futbollit në vend, Esperance Sports.

Ai është i martuar me Dorsaf, vajza e dytë e Ben Ali nga martesa e tij e parë.

Ai u kthye në vend nga Emiratet e Bashkuara Arabe në 2014 për të arritur një zgjidhje dhe aktualisht është në burg. /tesheshi.com/

auto pjese dak

Related posts