Auto Dak
Auto Dak
Auto Dak

Ekonomia italiane bie për të tretin vit rradhazi

Të dhënat treguan të hënën se ekonomia e Italisë u tkurr vitin e kaluar për të tretin vit radhazi. Ndërkohë Qeveria e Romës u tregua e aftë për ta ruajtuar raportin e deficitit buxhetor të përcaktuar nga Bashkimi Evropian, që është 3% e PBB-së.

Zyra Kombëtare e Statistikave (ISTAT), tha se ekonomia e Italisë u tkurr në 2014 me 0.4% pas rënies 1,7% në 2013 dhe 2.8% në 2012.

Qeveria kishte parshikur që ekonomia të binte me 0,3% në vitin 2014. ISTAT tha se deficiti buxhetor arriti në 3% në 2014 krahasuar me 2.9% në 2013, e cila ishte në përputhje me pritshmëritë e qeverisë italiane.

Para më shumë se një muaj, Organizata për Bashkëpunim Ekonomik dhe Zhvillim parashikoi se ekonomia italiane, e cila është ekonomia e tretë në eurozonë, do të rritej m 0,6% në 2015. Që do të thotë se organizata i ka ngritur parashikimet e saj për rritjen ekonomike në krahasim me atë që raportoi në nëntor të 2014 ku parashikoi se ekonomia italiane do rritej përafërsisht me 0,2%.

Kjo rritje ekonomike do të jetë edhe rritja e parë ekkonomike e italisë pas tre viteve rradhazi recesioni, pasi vendi nuk kanë regjistruar rritje të PBB-së që nga mesi i vitit 2011.

Deficiti dhe borxhi

Organizata Ndërkombëtare parashikoi se deficiti buxhetor do të reduktohet paksa në 2015 për të rënë në 2,7% kundrejt 2,8%. Nga ana tjetër pritet që borxhi i italisë të rritet në këto dy vite, aktualin dhe të ardhshmin. Ajo do të arrijë 132,8% të PBB-së në 2015 dhe do të shkojë në 133,5% në 2016. Italia është vendi i dytë më i madh për nga borxhi në eurozonë, pra rënditet fill pas Greqisë.

Organizata për Bashkëpunim Ekonomik dhe Zhvillim (OECD) i bëri thirrje autoriteteve të Romës për të zbatuar reformat strukturore në tregun e punës dhe sistemin gjyqësor, për të rritur konkurrencën ekonomike, të thjeshtojë e legjislacionin dhe të forcojë luftën kundër korrupsionit. Organizata shtoi se në qoftë se qeveria e Mateo Renzit zbaton planin e reformave brenda dy viteve të ardhshme, atëherë ekonomia e vendit do të rritet me 6% në dhjetë vitet e ardhshme.

Burimi: Reuters

auto pjese dak

Related posts