Auto Dak
Auto Dak
Auto Dak

Erdogan: Islamofobia, ja ku ngjan me Corona-n

Presidenti turk Rexhep Tajip Erdogan ka paralajmëruar rritjen e islamofobisë në Perëndim dhe tha se fyerja e njerëzve të tjerë dhe besimit të tyre nuk ka asnjë lidhje me liritë.

Erdogan iu drejtua pjesëmarrësve të kongresit të 23-të vjetor të Komunitetit Mysliman Amerikan (MAS) me një mesazh video dhe falënderoi organizatorët që arritën të gjejnë një mënyrë për t’u mbledhur në një platformë virtuale kur kushtet e pandemisë COVID-19 nuk lejojnë tubime tradicionale.

“Ne jemi të vetëdijshëm se nuk mund të ketë kufij midis zemrave. Distanca është e parëndësishme për ata, zemrat e të cilëve janë të bashkuar,” tha Erdogan.

Erdogan paralajmëroi për problemin e rritjes së islamofobisë në Perëndim dhe përmendi shembullin e Francës, ku Profeti Muhamed fyhet nën maskën e lirisë së fjalës.

“Fyerja e dikujt është larg lirisë. Opinioni është një gjë dhe fyerja është diçka tjetër,” tha Erdogan.

Duke treguar se fanatizmi ideologjik ka marrë pushtet, Erdogan tha se ata që injorojnë sulmet ndaj xhamive dhe inkurajojnë fyerjet ndaj Profetit në fakt po mbulojnë fashizmin e tyre.

Presidenti turk Erdogan më tej tha se “Islamofobia është një sëmundje që përhapet më shpejt se koronavirusi”.

“Racizmi kulturor, diskriminimi dhe intoleranca kanë arritur nivele që ata nuk mund t’i fshehin më në vendet që janë njohur me vite si djepi i demokracisë,” tha Erdogan.

Erdogan pretendon se Islamofobia dhe ksenofobia janë bërë një trend që drejton politikat shtetërore dhe komplikon jetën e përditshme të njerëzve.

Ai shtoi se margjinalizimi i muslimanëve bazuar në besimet, gjuhët, emrat dhe mënyrat e veshjes së tyre është bërë një praktikë e zakonshme në shumë vende.

Presidenti turk Erdogan gjithashtu tha me këtë rast se Turqia me vendosmëri kundërshton të gjitha format e konfliktit mbi baza etnike ose fetare dhe se është gjithmonë e gatshme t’u përgjigjet sulmeve ndaj vlerave të saj të shenjta.

“Ne përpiqemi të ndjekim një politikë të moderuar, të drejtë dhe të sigurt që është një shembull për të gjithë njerëzimin, veçanërisht në kontekstin e lirisë fetare. Ne nuk ndërhyjmë në besimet ose mënyrat e jetesës së njerëzve të tjerë dhe garantojmë lirinë për të praktikuar besimin për të gjithë qytetarët tanë,” tha Erdogan. /tesheshi.com/

auto pjese dak

Related posts