Auto Dak
Auto Dak
Auto Dak

Efekti pandemik në Premier League: 127 lojtarë në rrugë të mbetur pa klub, ja të bujshmit

Rreth 127 lojtarë në Premier League u zgjuan në fillim të korrikut pa një klub.

Ky numër do të ishte edhe më i lartë nëse disa futbollistë, si David Silva, Pedro, Willian dhe Adam Lallana, nuk do të kishin nënshkruar kontrata afatshkurtra deri në fund të sezonit, i cili u zgjat për shkak të pandemisë.

Të tjerët janë bërë lojtarë të lirë në treg dhe mund të kërkojnë një mjedis të ri pa kompensim.

Një nga emrat më tërheqës në listën e lojtarëve pa një klub, publikuar nga Daily Mail, është ish-portieri i kombëtares angleze, Joe Hart, kontrata e të cilit me Burnley ka skaduar.

Hart ishte anëtar i Manchester Cityt për 12 vjet, dhe fundi i tij u shpejtua me ardhjen e Pep Guardiolas. Spanjolli arriti në Etihad në vitin 2016, dhe Hart u dërgua së pari me hua në Torino, më pas te West Ham, dhe që nga viti 2018 ai është anëtar i Burnley. Këtë sezon, ai bëri vetëm tre paraqitje, të tre në kupa.

“Ndoshta njerëzit mendojnë se është koha për panik, por unë pres me padurim kohën e ardhshme. Unë thjesht kam nevojë për dikë që do të besojë te mua dhe unë do ta justifikoj atë besim,” i tha Hart BBC-së.

Një tjetër emër i njohur, ai i kampionit të ri Liverpool, Nathaniel Clyne, është gjithashtu në listë. Ai nuk ka bërë asnjë paraqitje të vetme për Reds këtë sezon dhe ka pasur probleme të mëdha dëmtimi.

Ai arriti në Liverpool në 2015 nga Southampton për 14 milion euro, dhe sezonin e kaluar e kaloi si huazim në Bournemouth, por nuk arriti ta bindë Eddie Howe për të firmosur me të në planin afatgjatë.

Pablo Zabaleta në West Ham United, Aaron Lennon në Burnley, Ryan Fraser në Bournemouth, Oumar Niasse në Everton, Ross McCormack në Aston Villa kishin mbetur pa kontratë…/tesheshi.com/

auto pjese dak

Related posts