Auto Dak
Auto Dak

PËRBETIMI/ Efekti “Ndoja”, Rama: godasim KÇK-në e çlirojmë kadastrat, krimi s’do gëzojë dot pronën e grabitur

Ditë pas atentatit ndaj simbolit të “KÇK”-së, sipas një formulimi që kryeministri Rama i ka bërë atij që e konsideron si grup i strukturuar kriminal – “Kap ç’të kapësh”, pra prokurorit të Durrësit Arjan Ndoja, shefi i qeverisë u përbetuar ta shkatërrojë këtë grup.

“Shumë nga xhakajdurët që janë në sistem dhe që e dinë vetë që nuk e kalojën filtrin e vettingut, janë lëshuar ‘KÇK’-së. Është organizata më e rrezikshme kriminale që vepron sot në Shqipëri. Kjo është e veshur me ligj dhe vepron si organizatë grabitësish ordinerë”,  tha Rama .

“Po bëhemi gati që paralelisht me një ligj special për ta çuar luftën krimit të organizuar në një nivel të lartë, ne do të çojmë në parlament masa speciale ndaj anëtarëve të KÇK. Më herët se vonë, do të shihen në praktikë rezultatet e një ofensive frontale që qeveria do të ndërmarrë qoftë ndaj krimit të organizuar qoftë ndaj ‘KÇK'”,  theksoi kryeministri.

Sipas tij, kjo do çojë drejt ç’kapjes së kadastrave nga krimi. “Masat speciale kundër ‘KÇK’-së  do ta çlirojnë përfundimisht Kadastrën e Durrësit dhe gjithë kadastrat në Shqipëri nga rrethimi kriminal që ka nisur prej shumë vitesh dhe që ne kemi arritur ta çajmë vetëm pjesërisht, sidomos në zonat që kanë interes zhvillimi turistik, aty ku krimi i organizuar përpiqet të shpëlajë paratë e pista, por që nuk do t’i gëzojë. Çfarë kanë grabitur, nuk do ta gëzojnë”, tha Rama. /tesheshi.com/

auto pjese dak

Related posts