Mbishkrimi i vendosur një ditë më parë në kalanë e Lezhës e që i kushtohet Sulejmanit të Madhërishëm (lexo: http://tesheshi.com/pas-6-shekujsh-sulejmani-i-madherishem-kthehet-ne-kalane-e-lezhes-si-mbishkrim-i-rralle/), është bërë shkak për reagime të shumta në rrjete sociale, ku veçohet ai i Eduart Ndocajt, aspirantit për deputet (i njohur ndryshe dhe si kaubojsi i Ramës), i cili, në një status në FB, ka bërë thirrje dhe për sulm në kala për ta hequr që aty mbishkrimin në fjalë:
“Pllaka me nënshkrimin e Sulltanit në Kalanë e Lezhës është përdhosje e Qëndresës së shqiptarëve ndër shekuj. Ministra e Kulturës të jap dorëheqje e të kërkojë të falur shqiptarëve. Ndoshta shumë herë miqtë, shokët e kolegët më qortojnë se jam i ashpër në reagimet e mia. Po më thoni si mund të jem i butë në reagimin tim, kur mësojë se nënshkrimi i Sulltanit është vendosur në Kalanë e Lezhës? Si mund të jem i butë vëllezër shqiptar ku në simbolikën e qëndresës, Besëlidhjes të Lezhës, të Varrit të Heroit Kombëtar Skënderbeu, vendoset nënshkrimi dhe emri i pushtuesit? Vëllezër shqiptar si mund të jem i butë në reagimin tim, kur me ketë akt të turpshëm kanë turpëruar 500 vjet histori rezistence, 500 vjet derdhje gjaku? Ju bëj thirrje lezhjanëve e qytetarëve, shqiptarëve të vërtetë të shkojmë të gjithë bashkërisht e ta shporrim këtë pllakë turpi, sepse vetëm kështu nderojmë gjakun e derdhur për 500 vjet për liri e pavarësisë. Kërkoj menjëherë dorëheqjen e Ministres të Kulturës dhe të Drejtorit e Drejtorisë të Monumenteve të Kulturës në Lezhë. Dorëheqja e tyre nuk mjafton si akt, por ata duhet tu kërkojnë publikisht të falur shqiptarëve me ketë tentativë për përdhosje të historisë e të gjakut të derdhur për Komb e Pavarësi. Eduart Ndocaj, zv. Kryetar i PDK”.
Sakaq, Auron Tare, “strumbullari” i rivënies së mbishkrimit të rrallë në kala, ka reaguar ashpër ndaj një titulli të MAPO-s për rastin në fjalë (Islamizohet kalaja e Lezhës): Po e bej share kete artikull pasi gazeta Mapo eshte nje media publike che artikujt te tille te pa sakte historikisht, te pa informuar dhe te demshem per ata qe i lexojne nuk duhen botuar. Eshte e pa imagjinueshme qe vendosja ne vendin e saj origjinal te nje mbishkrimi shume te rendesishem historik interpretohet me kaq driteshkurtesi. Po mbishkrimet romake, bizantine, normane anzhuine veneciane, etje tj ne se do te kishte pasur ne kete Kala a duhen vene? respektimi i periudhave historike ne monumente eshte thelbi i ruajtjes se trashegimise kulturore qofte kjo otomane apo siciliane. Nje titull i tille tregon se sa pak media e njeh fushen e trashegimise kulturore dhe ne vend te ndihmoje ne ruajtjen e saj influencon per krijimin e debateve te kota.
Siç mësohet nga burime të tesheshi.com, për rivënien e mbishkrimt të Sulejmanit të Madhërishëm në kalanë e Lezhës, aty pra ku ka qenë që në pas rikonstruksionit të saj në vitin 1552, është angazhuar vetë kryeministri Rama, i cili përballë propozimit për ta vënë në Muzeun Historik Kombëtar, ka vendosur që ai të vihet pra aty ku e ka vendin.
Edhe njëherë duhet theksuar fakti se ai mbishkrim ka një histori të gjatë, ku janë përfshirë shumë emra studiuesish, duke nisur që nga Milan Shuflai e përfunduar me të madhin e arkeologjisë shqiptare, Frano Prendi, i cili një meritë të jashtëzkonshme për ritgjetjen e saj, siç bëhet me dije, në bahçen e një fshatari të zonës, aty nga vitet `60-të. “Vetëm tre mbishkrime të tilla ekzistojnë”, thotë Tare, sipas së cilit, duhet të jemi të privilegjuar që në Shqipëri ndodhet njëra, me vlera të vyera trashëgimie historike. /tesheshi.com/
