Auto Dak
Auto Dak

E vërteta e vizitës së Lulzim Bashës në SHBA dhe “kleçka” me delegacionin e PD-së

Zbardhet axhenda e kryetarit të Partisë Demokratike që do të vizitojë Shtetet e Bashkuara të Amerikës javën e ardhshme.

Siç mësohet nga burime diplomatike, Basha dhe delegacioni i PD-së do të zhvillojnë takime në Departamentin e Shtetit dhe Departamentin e Drejtësisë, ku baza e diskutimeve do të jetë qëndrimi i opozitës shqiptare për tre pika kyçe të Reformës në Drejtësi: Zgjedhja e Kryeprokurorit të ardhshëm; ndryshimi i kupolës dhe përbërjes së Gjyqsorit; si dhe për Byronë e Hetimit, e cila do të ketë si kompetencë për të arrestuar zyrtarët apo ish-zyrtarët e dyshuar për korrupsion.

Siç mësohet, Basha pritet të takohet edhe me As/Sekretaren Amerikane të Shtetit, Victoria Nuland, e cila ka marrëdhënie të mira edhe personale me kryetarin e Partisë Demokratike.

Kjo vizitë do të jetë sqarimi dhe qëndrimi final i PD-së për Reformën në Drejtësi, por siç mësohet kësaj here do të flitet më në detaje për qëndrimin për reformën dhe postreformës.

Ndërkaq, në selinë blu ka nisur një pështjellim për delegacionin që Basha do të marrë me vete në Uashington.

Përveç kryetarit të PD-së, do të jenë prezentë edhe Eduard Selami, Jorida Tabaku, Gent Strazimiri dhe Mal Berisha.

Dhe po të shihet më vëmendje, asnjë nga anëtarët nuk është pjesë e komisionit të Reformës në Drejtësi.

Por ka dhe më, pasi mësohet se Gent Strazimiri është vendosur në delegacion me insistimin e Berishës, duke pasur parasysh se ai ka qenë një nga viktimat e deputetëve me probleme ligjore.

Pikërisht në Kongresin Amerikan do të ketë një seancë dëgjimore për këtë çështje ku ai do të rrëfejë përplasjen me Armando Prengën dhe Arben Nokën.

Ndërkaq, një tjetër anëtar i delegacionit do të jetë edhe Mal Berisha, ish-ambasadori i Shqipërisë në Londër, i cili ishte prezent edhe në takimin me Sekretarin Amerikan të Shtetit, John Kerry në Tiranë.

Ambasadori Mal Berisha ka lidhje familjare me ish-kryeministrin Sali Berisha.

Burime nga selia blu theksojnë se delegacioni që do të shoqërojë kreun e PD-së në këtë vizitë, është përcaktuar nga vetë kreu demokrat, duke anashkaluar Kryesinë apo Grupin Parlamentar. Kjo duket se ka shkaktuar edhe qejfmbetje në selinë e PD-së.

Burimet theksojnë se pakënaqësia ka të bëjë me deputetin Strazimiri dhe ish-ambasadorin Berisha, për të cilët duket se disa nga figurat në selinë më të madhe të opozitës mendojnë se nuk mbajnë poste apo pozicione të rëndësishme.

Kontestuesit shprehen se Basha mund të merrte në këtë vizitë deputetin Aldo Bumci, ish-ministër i Jashtëm, si dhe ish-ambasadorin e Shqipërisë në SHBA, Kreshnik Çollaku, i cili drejton Departamentin e Marrëdhënieve me Jashtë në PD.

Sakaq, Strazimi, sa mund të jetë i përligjur për të qenë pjesë e delegacionit, por aq ka një kleçkë në biografi në raport me diplomacinë amerikane,

pasi ka sulmuar disa herë në shkrimet dhe postimet e tij dy ish-ambasadorë të Shteteve të Bashkuara të Amerikës në Tiranë, John Vvithers dhe Aleksandër Arvizu.

Përgatiti: Ylli Pata – /tesheshi.com/

auto pjese dak

Related posts