Auto Dak
Auto Dak
Auto Dak

E përlotshme: nëna gjen djalin e rrëmbyer 32 vjet më parë, takimi drithërues (video)

Kjo familje përjetoi gjënë më të keqe të mundshme, por ata nuk hoqën dorë nga shpresa dhe kërkuan për djalin e tyre për më shumë se tre dekada.

Një grua 60-vjeçare nga Kina gjeti djalin e saj, i cili u rrëmbye 32 vjet më parë, e gjitha duke përdorur teknologjinë e njohjes së fytyrës.

Mao Yin, me nofkën Jia Jia, u rrëmbye në 17 tetor 1988 nga Provinca Shaanxi, ndërsa ai po shkonte në shtëpi nga kopshti me babanë e tij, Mao Zhenjing, raportojnë mediat britanike.

Jia Jia, asokohe dy vjeç, kishte etje, e kjo bëri që babai i tij të ndalej në një hotel për të marrë ujë, duke e lanë një çast vetëm, pasi së cilit ndodhi rrëmbimi.

Nëna e tij, Li Jinghzi, ka qenë në kërkim të palodhshëm për djalin e saj për më shumë se tre dekada, madje u largua nga puna mënyrë që ajo të mund t’i kushtohej këtij kërkimi, duke shpërndarë fillimisht më shumë se njëqind mijë fletëpalosje nëpër një duzinë provincash kineze.

Gjatë asaj kohe, Lee ndoqi më shumë se 300 të dhëna të mundshme, por asnjëra nuk ishte e suksesshme. Ajo është shfaqur edhe në disa emisione televizive me shpresën se djali i saj do ta shikojë. Ajo i kushtoi një tjetër kohën e saj vullnetarizmit me OJQ-në Baby Come Home, e cila mblodhi të dhëna për fëmijët e humbur dhe i kaloi ato në polici.

Falë punës së saj të vështirë, 29 fëmijë kanë gjetur përsëri familjet e tyre.

E një ditë, policia mori një raport për një burrë nga provinca Sichuan, rreth një mijë kilometra larg krahinës së tyre, i cili birësoi një djalë tridhjetë vjet më parë duke paguar rreth 2.000 dollarë për trafikantët e qenieve njerëzore.

Ata hasën në një 34-vjeçar, ndaj të cilit përdorën teknologjinë e njohjes së fytyrës nga fotot e vjetra për të gjetur ngjashmëri. Pas kësaj, bënë një test ADN i cili ishte pozitiv dhe tregoi se ai ishte në të vërtetë djali që po kërkohej nga nëna. Videoja prekëse e ribashkimit të tyre ishte vërtet mallëngjyese.

Videoja tregon prindërit duke përqafuar nën lot djalin e tyre dhe Lee, me përbetimin se kurrë nuk do të ndahen.

Hetimi për zhdukjen e tij është ende në vazhdim, dhe informacionet për personat që e adoptuan nuk janë bërë të ditura për publikun. /tesheshi.com/

auto pjese dak

Related posts

WP2Social Auto Publish Powered By : XYZScripts.com