Auto Dak
Auto Dak

Dyshimet: autori i masakrës së Las Legasit mund të kishte në shënjestër edhe të tjera koncerte

Autori i masakrës së Las Vegasit, Stephen Paddock, mund të ketë patur edhe të tjera koncerte në shënjestër. Hetuesit kanë konfirmuar se 64-vjeçari mund të ketë marrë në konsideratë kryerjen e vrasjeve të tilla edhe në festivale të tjera, jo vetëm në Las Vegas, por edhe në Çikago dhe Boston. Për hetuesit mbetet ende i paqartë motivi që shtyu Paddock të kryente masakrën.

Agresori mësohet se kishte rezervuar dhoma hotelesh edhe në vende të tjera ku do të mbaheshin koncerte, madje ato kishin pamjen nga sheshet ku do të grumbulloheshin njerëzit.

Në këtë përfundim kanë arritur hetuesit, të cilët kanë konfirmuar se Stephen Paddock kishte rezervuar një dhomë në Ogden gjatë festivalit “Life is Beautiful” në Las Vegas, një javë përpara se ai të vriste 58 persona dhe të plagoste qindra të tjerë.

Sipas detajeve më të fundit të zbardhura nga policia, Paddock mund të ketë konsideruar edhe të tjera ambjente koncertesh në Çikago dhe Boston.

Një person me emrin Stephen Paddock rezervoi një dhomë në Blackstone Hotel në Çikago, në të njëjtën kohë që zhvillohej festivali muzikor i Lollapalooza-s.

Por sipas një zëdhënësi të hotelit, ai kurrë nuk u regjistrua dhe nuk mund të konfirmohet se bëhet fjalë për të njëjtin person.

Ndërkaq, hetuesit ende po punojnë për të gjetur motivin pas aktit të 64-vjeçarit që shkaktoi panik në Las Vegas fundjavën e kaluar.

Sipas zyrtarëve, Paddock mund të ketë patur një jetë sekrete.

Sakaq, Shoqata Kombëtare e Pushkatarëve në Shtetet e Bashkuara ka kërkuar rregulla shtesë për dorezat që i lejojnë pushkët gjysmë-automatike të funksionojnë si plotësisht automatike, si në rastin e masakrës së Las Vegasit. /tesheshi.com/

 

auto pjese dak

Related posts