728 x 90 Leaderboard

Dy deputetë nga Prizreni: Kosova të shkojë sërish në zgjedhje të jashtëzakonshme

Ende pa u krijuar institucionet e reja pas zgjedhjeve të 11 qershorit, deputetë të zgjedhur kosovarë kërkojnë që vendi të shkojë sërish në zgjedhje.

Një kërkesë e tillë vije nga deputeti i NISMA për Kosovën, Zafir Berisha dhe ai i Lëvizjes Vetëvendosje, Arbër Rexhaj.

Berisha thotë se në zgjedhjet e 11 qershorit, aksidentalisht janë bërë deputetë, siç i quan ai, “legenë”.

“Prandaj, Kosova është mirë me shku në zgjedhje edhe një herë”, thotë Berisha. Sipas tij, këta deputetë janë bërë mendjemëdhenj ende pa filluar punën.

“Shumë legeni është bërë deputetë aksidentalisht dhe ju ka rritur mendja deri atje ku i japin të drejtë vetes me shitë mend deri në atë shkallë, sa që bllokimin e bërjes së qeverisë e shohin si vlerë dhe objektivë politike, ndërsa harrojnë se gjatë fushatës e kanë kërkuar votën prej sovranit për interes të Kosovës”, shprehet Berisha, shkruan “PrizrenPress”.

Ndërkaq vetëvendosësi, Arbër Rexhaj thotë se nëse VV nuk e formon qeverinë, vendi duhet të shkojë në zgjedhje.

“Dy rrugë kanë mbetur, ose Vetëvendosje! në qeveri ose sërish në zgjedhje. Jo pse këtë e duam ne por PAN-i, i cili po këmbëngul pa pasur deputetët e nevojshëm të krijoj një qeveri ‘të lodhtë’ nuk do të krijoj stabilitet afatgjatë në vend.“Në zgjedhjet e reja Vetëvendosje! pa asnjë problem në koalicion me qytetarët, do të fitonte mjaftueshëm për ta krijuar qeverinë”, thotë Rexhaj. /tesheshi.com/

Related posts