Auto Dak
Auto Dak

Donald Tusk në Tiranë: Shqipëria meriton hapjen e negociatave

“Bashkimi Europian duhet të hapë negociatat me Shqipërinë dhe Maqedoninë e Veriut në Tetor” – tha në Tiranë Presidenti i Këshillit të Europës Donald Tusk. Pas takimit që zgjati rreth 50 minuta me kryeministrin, teksa i pranishëm ishte edhe ambasadori i BE-së në vendin tonë, Luigi Soreca, Tusk doli në një deklaratë për mediat me Edi Ramën, pasi morri nga ky i fundit dhe medaljen e akorduar, “Yllin e Mirënjohjes”.

“Sot ju më thatë se e meritoj këtë medalje për mbështetjen e dhënë, këtë yll të madh. Medalja më e madhe do të ishte çelja e negociatave për Shqipërinë. Në sajë të përpjekjeve tuaja i jemi afruar këtij objektivi dhe askush nuk duhet të ketë dyshimin më të vogël, as në Tiranë dhe as në kryeqytetet e BE-së. Në qershor krerët e BE-së u angazhuan për një vendim të qartë me ju dhe Maqedoninë në Tetor. Po i afrohemi më shumë këtij momenti. BE-ja duhet të celë negociatat, si me Shqipërinë edhe me Maqedoninë.

Në takimin e sotëm diskutuam edhe rëndësinë që ka për Shqipërinë ruajtja e historikut solid në lidhje me luftën kundër korrupsionit, ky fiksim i BE-së me sundimin e ligjit, marrëdhëniet e fqinjësisë së mirë dhe pajtimi është pjesë e ADN-së sonë dhe ka për të qenë e tillë edhe kur ju të bëheni shtet anëtar.

Për ndryshe projekti europian nuk do të qëndronte dot në themele të forta. Integrimi i Shqipërisë dhe rajonit është në interes edhe të Europës, pasi nuk do të jetë Europë stabël pa integrimin e të gjithë Ballkanit. Këtu bëhet fjalë për rëndësinë madhore të të ardhmes tonë, askush nuk po i bën askujt ndonjë nder”. tha Tusk. /tesheshi.com/

 

auto pjese dak

Related posts