Ashtu siç kishte premtuar, se do “i nxirrte paratë nga dheu”, kryeministri Rama ia arriti, krejt befasueshëm, të sigurojë 1 miliard eurot, aq sa është kostoja e dëmeve, për rindërtimin e zonave të prekura nga tërmeti.
Pas disa orësh Konferencë Donatorësh, ky sa nga Lindja e sanga Perëndimi u hap thesi i milionave për Shqipërinë, Ishte komisioneri për Zgjerimin në Bashkimi Evropian, Oliver Varhelyi, i cili bëri me dije duke thënë:
“Kemi arritur të mbledhim 1.15 mld euro. Kjo është një përpjekje e përbashkët. Ky është një mesazh për të treguar se sa shumë e kemi përzemër Shqipërinë.
Falenderoj pjesëmarrësit dhe donatorët. Shpresoj që me këtë do keni mundësi të nisni zbatimin shumë shpejt dhe të mund të ndryshoni kushtet. Ne jemi aty për ju. Do jemi edhe kur të nisni ndërtimin”, tha zyrtari i lartë i Brukselit.
Nga ana tjetër, Rama mbeti pa fjalë nga shifra e mbledhur, që sipas tij ishte larg pritshmërive.
“Kjo është përtej imagjinatës së shfrenuar, nuk di ç’të them. Më lejoni të jem mistik se në ç’mënyrë tjetër mund të shpjegoj gjithë këtë”, tha Rama, ku tha më tej: “Nuk mund të largohem pa e përmbyllur me Kuranin dhe nuk gjej dot shembull më të bukur se ajo që ndodhi sot: ‘Njerëzimi është një komb i vetëm!'”
Ndërkohë, veç milinave të dhuruara, Emiratet e Bashkuara Arabe dhe Banka Europiane e Investimeve, premtuan se cila nga 2000 banesa, duke ndjekur kështu modelin “Erdogan” në kontribut.
Ja disa nga gjitha donacionet e dhuruara:
Holanda– 3 milionë euro grante
Danimarka– 2.7 milionë euro
Polonia– 2.7 milionë euro
Greqia– 2.5 milionë euro dhe ndërtim i 200 banesave
Gjermania– 11 milionë euro
Suedia– 5.6 milionë euro
Bosnja dhe Hercegovina– 100 mijë marka
Britania e Madhe– 1 milion paund
Kroacia– 1 milion euro
Kosova– 200 mijë euro në formën e granteve
Italia– 65 milionë euro
Sllovakia– 250 mijë euro
Austria– 1 milion euro
Franca– 60 milionë euro hua
Sllovenia– 300 mijë euro
Çekia– 9.5 milionë korona çeke
Maqedonia e Veriut– 97 mijë euro
Finlanda– 300 mijë euro
Luksemburgu– 150 mijë euro
Spanja– 25 mijë euro
Bullgaria– 100 mijë euro
Hungaria– 250 mijë euro
Irlanda– 300 mijë euro
Mali i Zi– 500 mijë euro
Serbia– 2 milionë euro grante
Zvicra– 9 milionë euro grante
Katari– 5 milionë dollarë
SH.B.A- 5 milionë dollarë
Japonia- 2.5 milionë euro
Azerbajxhani– 500 mijë euro
ndërkohë që BE– 100 milionë euro dhe KE– 15 milionë euro. /tesheshi.com/