Auto Dak
Auto Dak
Auto Dak

DIFERENCA/ Tensioni Rama-Rakipllari në Opinion: a janë njësoj një gazetar me një kryeministër?

Një përplasje nga ato të zakonshmet ndodhi në Opinion-in e së enjtes, ku i përzgjedhuri i paargumentueshëm në pikëpamje profesionale për të qenë analist (nuk njihet as për analiza, as për komente, as për opinione, e aq më pak për vëzhgime, reportazhe, investigime), Robert Rakipllari, pati një replikim të tensionuar me kryeministrin Rama.

Në një këmbim kaotik e me nerv frazash të dala aty për aty, Rakipllari pretendoi se ishte në pozicion debati njësoj si shefi i qeverisë, pra me të njëjtën vlerë përballë publikut. Rama i kujtoji se s’mund të qe ashtu, e që në fakt, me një logjikë të thjeshtë nuk është ashtu.

Por, në kaosin që shoqëron gjithëherë debatet në Opinion, e ndodhur kjo ose me sajimin e vetëdijshëm të moderatorit – Fevziut – ose nga paaftësia e moderimit, as kjo nuk ka mundur të sqarohet. Sepse diçka e ngjashme ka ndodhur dy vjet më parë, kur Fevziu iu hakërrye deri në poshtërim e me një arrogancë të shfrenuar, deputetit demokrat Flamur Noka.

Ajo që e ndan Rakipllarin nga Rama në status, sigurisht dhe Fevziun nga Noka, është mandati. Të parët nuk kanë mandat për të qenë aty, ndërsa të dytët po. Kanë dalë në popull dhe ky i fundit iu ka besuar votën. Duke iu besuar votën u ka besuar dhe vendimmarrjen.

Fevziu dhe Rakipllari nuk janë aty me mandatin e ndokujt. Nuk kanë garuar për të qenë ata elitë mediatike, e kësisoj populli t’jua ketë besuar atyre rolin e informimit, opinionit apo analizës. Nokës e Ramës, po. Madje shumë më shumë këtij të fundit, gjë që ndoshta, e me gjasë po, as Fevziu e as Rakipllari kurrë nuk do arrinin të kishin një “Po” nga populli për t’jua besuar një vendimmarrje të caktuar.

Pos kësaj, janë pushtet i katërt e jo i parë, siç legjislativi dhe ekzekutivi, ku si Noka dje e si Rama dje dhe sot, i përkasin të dyjave.

I katërti rri përballë dy të parëve e jo në krah, pasi nuk është njësoj si ata. /tesheshi.com/                     

  

auto pjese dak

Related posts