Auto Dak
Auto Dak
Auto Dak

Dhjetë të shëruar nga Corona në Shqipëri, por infektimet shtohen…plus një vdekje

Ajo që pritej e që është paralajmëruar, po ndodh. Numri i të infektuarve në Shqipëri ka shkuar në 123, pra me 18 më tepër se një ditë më parë, duke patur një rritje trefishe të të infektuarve në ditë. Harta është zgjeruar dhe me qytete të tjera po ashtu, ku është përfshirë dhe Lezha, ndërkohë që është shënuar dhe një viktimë, e pesta në radhë, një 49-vjeçar. Nga ana tjetër, ka dhjetë të shëruar.

Nga Instituti i Shëndetit Publik u informua:

“Në 24 orët e fundit janë konfirmuar 19 raste të reja me COVID-19 dhe janë kryer 74 testime.

Deri në këto momente testuar 930 janë raste të dyshuara dhe prej tyre janë të konfirmuar pozitivë me COVID-19, 123 numrin e të prekurve.

Në 24 orët e fundit ka ndërruar jetë një pacient i shtruar prej 13 ditësh në spitalin infektiv, 49 vjeç nga Tirana.

Pavarësisht përpjekjeve të ekipit mjekësor të spitalit Infektiv, 49-vjeçari nuk arriti të mbijetojë. I ndjeri vuante nga diabeti mellitus dhe ishte prej 10 ditësh në terapi intensive. Ministria e Shëndetësisë dhe Mbrojtjes Sociale i shpreh ngushëllimet e sinqerta familjes së të ndjerit. Ju informojmë se, deri në këto momente kanë humbur jetën 5 persona të prekur nga COVID-19.

Por lajm i mirë është se 10 qytetarë deri në këto momente janë shëruar (të shtruar dhe të vetëizoluar) pas dy testeve të kryera. Por ata duhet të qëndrojnë në vetëkarantinim për 14 ditë”, u tha në deklaratë. /tesheshi.com/

 

 

 

auto pjese dak

Related posts