Dështon dhe Prandelli te Valencia, jep dorëheqjen

Cesare Prandelli ka dhënë dorëheqjen si trajner i Valencias, skuadrës spanjolle që prej kohësh noton në ujëra të turbullta.

Italiani e mori detyrën në fund të shtatorit, por në tetë ndeshjet që e drejtoi Valencian në kampionat, u fitua në vetëm një prej tyre dhe u barazua në tre të tjera.

Prandelli e ka paraqitur sot dorëheqjen, ndërsa ishte i katërti trajner te Valencia gjatë këtij viti.

Tekniku e kishte shprehur hapur pakënaqësinë gjatë javëve të fundit, dhe kishte kërkuar përforcime në janar për t’i shpëtuar rënies nga kategoria. Raportohet që ai të ketë patur probleme me disa prej lojtarëve, të krijuara pasi deklaroi në fillim të këtij muaji se kush nuk ishte i gatshëm të jepte gjithçka për skuadrën duhej të largohej.

Valencia renditet në vend të 17-të në kampionatin spanjoll, me vetëm tre fitore e tre barazime në 15 ndeshje të luajtura. Ajo rrezikon seriozisht të bjerë një kategori më poshtë nëse gjërat nuk marrin për mirë në pjesën e dytë të sezonit.

Ndeshja më e afërt për Valencian është më 3 janar, kur do të presë Selta Vigon për Kupën e Mbretit. /tesheshi.com/   

 

auto pjese dak

Related posts