Deputeti rom braktis Gruevskin e “rënë nga vakti”, Amdi Bajram: jam me Zaevin

Shumicës parlamentare të Zoran Zaevit, i shtohet edhe një deputet, ndodhur kjo nga fenomeni i njohur vitet e fundit, sidomos në politikën shqiptare, kur figura të ndryshme politike kalojnë sa andej-këndej kahjeve sipas rastit dhe interesit.

Dhe, pas kalimit të deputetit të Aleancës për Shqiptarët, Vesel Memedit në BDI, tani i vjen rradha edhe një deputetit tjetër të kalojë në shumicën parlamentare. Amdi Bajram ka qenë deputet i Lidhjes së Romëve pjesë e koalicionit me VMRO-në e Gruevskit, por që prej dje do të veprojë si deputet i pavarur i Lidhjes së Romëve në Kuvend.

“Faleminderit!”, u shpreh Amdi Bajram, nga Lidhja e Romëve.

Amdi Bajram është ulur në anën e shumicës dhe kjo ka dhënë efekt të menjëhershëm me çdo votë “pro” për çdo propozim të saj.

E patë edhe vetë, unë gjatë gjithë kohës sot votoja “pro”, i përkraha në gjithçka. Gjithçka që do të jetë në interes të Republikës së Maqedonisë dhe në interes të komunitetit rom, të qytetarëve të vendit”, tha Amdi Bajram.

Bajram nuk përjashton mundësinë që t’i bashkohet dhe  ndonjërës prej partive të shumicës.

“Ka gjasa edhe me BDI-në edhe me LSDM-në. Do të shohim, ku është interesi i qytetarëve rom dhe i partisë aty do të kalojmë”, shtoi ai.

Tashmë, mungesën e dy votave të Aleancës, shumica mund ta përmbush me dy deputetë e pavarur, Çedomir Sazdovski dhe Amdi Bajram, që me përkrahjen e Vesel Memedit kanë 62 vota, të mjaftueshme për funksionimin e Kuvendit. /tesheshi.com/

 

auto pjese dak

Related posts