Auto Dak
Auto Dak
Auto Dak

Denoncim nga brenda mazhorancës ndaj “shkuma party”-ve: babëzi në kurriz të shëndetit të shqiptarëve

Ish-ministri i Shëndetësisë Ilir Beqja, i angazhuar fort këto muaj, pavarësisht se pa asnjë pozicion zyrtar, në analizat e situatës koronare, është treguar i ashpër me të ashtuquajturat “shkuma party” që organizohen nga lokalet e plazheve të Bregut. Sipas tij, është patolerueshme tolerance ndaj tyre në këtë kohë të rëndë infeksionesh.

“Lufta me Covid-19 është luftë në territor. Beteja kryesore këtë javë është në bregdetin e Jonit. Beach bar më beach bar dhe club më club. 24 orë në çdo ditë.

Duke filluar nga prototipët si Nazar e Folie Marine e të gjithë me radhë. Aty po lejohet të ndodhin “plagosje me paramendim”. Aty po sakrifikohet sakrifica 5-mujore e personelit shëndetësor.

Aty po nëpërkëmben politikat mbështetëse ndaj grupeve më të dëmtuara nga pandemia.

Babëzisë së pronarëve së atyre bizneseve për të fituar shumë e shpejt në kurriz të shëndetit të shqiptarëve duhet t’i përgjigjemi me forcën e ligjit.

Karshillëku i administratorëve të atyre bizneseve për të shkelur ligjin meriton ndëshkimin shembullor. Situatat e paqarta që kalojmë kërkojnë vendosmëri të leadershipit”, ka shkruar Beqaj.

Një ditë më parë, një reagim të ngjashëm pati dhe zv/kryeminstri Braçe. /tesheshi.com/

 

 

auto pjese dak

Related posts