Auto Dak
Auto Dak

DEKLARATA/ Pas BE-së me negociatat, Macron “godet” dhe NATO-n”: në vdekje klinike!

Presidenti francez Emmanuel Macron ka dhënë një intervistë për të përjavshmen britanike The Economist, ku ka deklaruar se vendet evropiane nuk mund të mbështeten më te SHBA-ja për të mbrojtur vendet aleate të NATO-s.

“Situata me të cilën përballemi është vdekje klinike e NATO-s”, thotë Macron për The Economist.

I pyetur nëse beson në Nenin 5të “mbrojtjes së përbashkët”, në të cilën thuhet se sulmi ndaj një anëtari është sulm ndaj gjithë aleancës, Macron u përgjigj shkurt: “Nuk e di.”

“NATO mund të funksionojë vetëm nëse garanton punën si e plotë. Dyshoj se është e nevojshme të mbështetemi në NATO-n aktuale, e cila momentalisht varet nga angazhimi i SHBA-ve,” shtoi Macron.

Shtete e Bashkuara po tregojnë shenja të “tërheqjes” të cilat presidenti Donald Trump i demonstroi më fort kur vendosi të largohej nga Siria për t’ia lëshuar vendin Turqisë, pa u konsultuar me aleatë të tjerë.

Kjo lëvizje u erdhi befas superfuqive të NATO-s, Francës, Britanisë dhe Gjermanisë, ndërsa më i zëshëm ndaj tërheqjes ishte vet Macron.

Macron në intervistë tha se ndjehet keq për “paaftësinë e NATO-s” për të reaguar ndaj operacionit turk në veri të Sirisë dhe tha se ka ardhur koha që Evropa të ndaloj së vepruari si një aleat i vogël i Shteteve të Bashkuara në Lindjen e Mesme.

Aleatët evropianë kanë frikë se tërheqja e SHBA nga Siria verilindore do të shkaktojë një vakum sigurie dhe do të shfrytëzohet për të kthyer shtetasit evropian që kanë rrokur armët nën flamuj të panjohur.

Franca ka kohë që ka bërë presion për bashkëpunim më të ngushtë evropian të mbrojtjes, por është përballur me rezistencë nga Britania dhe të tjerët që thonë se Shtetet e Bashkuara mbeten kryesore për mbrojtjen perëndimore, veçanërisht përballë një Rusie që po forcohet gjithnjë e më shumë.

Trump ka qenë mjaft kritik ndaj fondeve që vendet e NATO-s ndajnë për mbrojtjen e tyre dhe dështimin e disave të tjerave, veçanërisht Gjermanisë. Kujtojmë se një objektivat kryesore të NATO-s është për të shpenzuar 2% të prodhimit kombëtar në mbrojtje. /tesheshi.com/

auto pjese dak

Related posts