728 x 90 Leaderboard

Debati me artistët, Veliaj mbron prishjen godinës së Teatrit Kombëtar: ju sjell shembullin e “Pazarit të Ri”

Kreu i Bashkisë së Tiranës, Erion Veliaj nisi sot një dëgjesë me komunitetin e artistëve të Teatrit Kombëtar, me atë pjesë që kundërshton prishjen e godinës ekzistuese për të ndërtuar një teatër të ri.

Veliaj ka përdorur kartën e “Pazarit të Ri”, si argument që sipas tij, një teatër i ri do kishte fatin e tij sot. “’Pazari i Ri’ ka pasur kërcënime me jetë, por sot kanë ndryshuar mendim. Atje kanë shkuar në 1000 biznese”, tha Veliaj.

“Sa i përket vlerave arkitekturore, situata ku është sot Teatri Kombëtar, mos e ekzagjeroj që është siç gjetëm situatën te ‘Pazari i Ri’. Përtej vlerave historike, kjo ndërtesë nuk përmbush asnjë kushte për të qenë Teatër Kombëtar. Gjendja është me kushte të mjerueshme.

Në fillim u konceptua si një godinë e përkohshme, u ndërtua si një vend polifunksional. Akt kontrolli i bëri në 2014, pa qenë unë kryetar Bashkia, është konstatuar se situata është e rrezikshme në rast zjarri”, tha Veliaj.

Debati ka vijuar me kundërshtitë e disa emrave të skenës, të cilët kanë argumentuar se godina ekzistuese duhet të vijojë duke iu nënshtruar rikonstruktimit. /tesheshi.com/   

Related posts