Auto Dak
Auto Dak
Auto Dak

Debati COVID: a duhet të vaksinohen fëmijët kundër gripit?

Në prag të fillimit të çdo dimri, mjekët u bëjnë thirrje të moshuarve dhe të sëmurëve që të vaksinohen kundër gripit, ama fëmijët e vegjël dhe të shëndetshëm nuk janë në fokusin e tyre. Por këtë dimër që mund të ndryshojë.

Duke pasur parasysh pandeminë e virusit koronar, mjekët nga shumë pjesë të botës janë gjithnjë e më të prirur të vaksinojnë fëmijët në prag të këtij sezoni të gripit.

Meqenëse fëmijët mund të transmetojnë virusin e gripit, një nga argumentet për vaksinimin e tyre është lehtësimi i barrës në sistemin shëndetësor.

Infektologu gjerman Bernd Salzberger, një mjek në Spitalin Universitar në Regenesburg, thotë se mbrojtja e gjyshërve është një nga arsyet pse vaksinimi i fëmijëve është një ide e mirë sepse kombinimi i gripit dhe COVID mund të rezultojë fatal për të moshuarit.

Shumë mjekë bien dakord dhe Qendrat Amerikane për Kontrollin dhe Parandalimin e Sëmundjeve (CDC) thonë se “vaksinimi i gripit në sezonin 2020-2021 është më i rëndësishmi deri më tani”.

Por akoma shumë prindër hezitojnë. Një arsye është fakti që fëmijët e moshës shkollore e tolerojnë relativisht mirë gripin, tha Salzberger.

Ama nëse një fëmijë “merr” virusin në kopsht ose shkollë, ai ose ajo mund ta transmetojë atë tek anëtarët e moshuar të familjes të cilët do ta kenë shumë më të vështirë nëse preken nga gripi.

COVID-i dhe gripi në të njëjtën kohë

Dhe nuk duhet të harrojmë se COVID- është ende një kërcënim i madh, vëren infektologu gjerman. “Është e mundur që të keni virusin koronar dhe gripin në të njëjtën kohë dhe nuk është aspak një situatë e mirë. Vaksina e gripit thjesht zvogëlon disa nga rreziqet”.

Eshtë i sigurt për fëmijët më të mëdhenj se gjashtë muaj, tha Instituti Robert Koch, Qendrat Gjermane për Kontrollin e Sëmundjeve.

Do të ishte ideale, thonë mjekët, të vaksinoheni rreth fundit të tetorit dhe fillimit të nëntorit, sepse efekti mbrojtës optimal ndodh dy javë më vonë dhe pastaj ulet ngadalë në tre muajt e ardhshëm.

Sidoqoftë, gjëja më e rëndësishme është vaksinimi i atyre mbi 60 vjeç, grave shtatzëna, personave me sëmundje kronike dhe i punenjësve shëndetësorë. /tesheshi.com/

auto pjese dak

Related posts