Auto Dak
Auto Dak
Auto Dak

SIRIA/ Ç’ndodh në Idlib: Foshnja dhe fëmijë shuhen nga i ftohti…ose nga monoksidi i karbonit

Në ambiente të jashtme dhe me temperaturë shumë të ftohtë, Mustafë Hamadi dhe familja e tij u strehuan në një tendë të improvizuar në fshatin Killi, në krahinën veriperëndimore të Sirisë, Idlib.

Kjo është hera e dytë në më pak se një vit që ata janë shpërngulur.

Ata nuk mund të binin në gjumë atë natë më 11 shkurt për shkak të të ftohtit, kështu që para mesnatës, Mustafai solli një ngrohës me gaz në tendë.

Kur erdhi mëngjesi, Mustafa, gruaja e tij Amoun, vajza e tyre 12-vjeçare Husa dhe mbesa 3-vjeçare Hoor u gjetën të vdekur nga helmimi me monoksid karboni.

Sipas Nizar Hamadi, vëllai i Mustafës, me të cilin shkëmbeu mesazhe përmes celularit atë natë, çadra e bërë me tuba metalikë dhe najloni nuk ishte e ventiluar, duke mbrojtur familjen pak nga i ftohti.

“Unë mendoj se ishte minus 9 gradë atë natë. Vëllai im e dinte se nuk ishte ide e mirë për të sjellë një ngrohës me gaz brenda çadrës pa ventilim, por ai nuk kishte zgjidhje tjetër,”  tha Nizar për Al Jazeera-n.

Refugjatë në një shkollë të papërfunduar

Familja Hamadi nga fshati Kafrouma, një vend në afërsi të Maarat al-Numan, u detyrua të largohet nga shtëpitë e saj verën e kaluar dhe të lëvizë më tej në veri për shkak të sulmeve ajrore nga forcat e qeverisë siriane në Idlib, fortesa e fundit kryesore e opozitës në vend.

Mustafa dhe Nizar u zhvendosën në një shkollë të zbrazët, të papërfunduar në Binnish, 8 kilometra në lindje të Idlibit, për të transferuar familjen në Killi për shkak të granatimeve.

“Shkolla nuk është e përshtatshme për të jetuar, por të gjitha shtëpitë janë të mbushura me persona të tjerë të zhvendosur. Në disa dhoma jetojnë tre ose katër familje”, thotë Nizar, duke shtuar se gjithnjë e më shumë janë të detyruar të lënë shtëpitë e tyre.

Me mbështetjen ajrore ruse, forcat e presidentit Bashar al-Asad filluan një ofensivë të madhe në prill 2019 mbi Idlib.

Aksioni ushtarak ndërpreu bashkëpunimin e brishtë midis Turqisë dhe Rusisë (mbështetur nga palët kundërshtare në luftën në Siri) për të formuar një zonë de-përshkallëzimi në Idlib.

Fushata vazhdoi për muaj pasi disa marrëveshje armëpushimi dështuan.

Por në dhjetor, qeveria siriane u rikthye me sulme në rajon për të pushtuar autostradën strategjike të rëndësishme M5, e cila kalon nëpër provincat Halep dhe Idlib.

“Nënat djegin plastikë për të ngrohur fëmijët”

Qindra civilë janë vrarë në ofensivë dhe shpërngulja më e madhe e vetme ka ndodhur që nga fillimi i luftës në 2011, kur më shumë se 900,000 njerëz u detyruan të largoheshin, sipas Kombeve të Bashkuara.

KB shtoi se problemi për civilët, përveç bombardimeve, është fakti se 82,000 njerëz duhet të jetojnë nën tenda gjatë temperaturave të ulëta.

Mark Lowcock, kreu i OKB-së për ndihmën humanitare, tha të hënën se situata në Siri ka arritur në një “nivel të ri të tmerrshëm”, duke shtuar se personat e zhvendosur pësojnë trauma dhe “duhet të flenë jashtë në të ftohtë”.

“Nënat djegin gjëra plastike për t’i mbajtur fëmijët në të ngrohtë. Foshnjat dhe fëmijët e vegjël vdesin nga i ftohti”, thuhet në deklaratën e tij. /tesheshi.com/

 

auto pjese dak

Related posts