Auto Dak
Auto Dak
Auto Dak

Çështja Albtelecom – Lufta ndaj interesave turke në Shqipëri nisi nga Athina, ja prapaskenat

Një spekulim i madh ka qarkulluar në hapësirën mediatike shqiptare në lidhje me lëvizjet në gjigandët e telekomunikacionit. Një lëvizje e madhe që përfshin interesa dhe një ofensivë financiare që lidhet natyrisht me zhvillimet gjeopolitike. Prej dy ditësh mediat greke dhe disa shqipare kanë hedhur në eter një mundësi të shitjes së gjigandit të telefonisë fikse në Shqipëri, Albtelecom, i cili është në zotërim të konsorcium turk Çalik, por që është përgënjeshtruar fuqishëm nga kjo kompani.

Në një deklaratë për mediat, kompaia Albtelecom thekson se “Dje dhe sot, lajmi i botuar në disa faqe interneti se “Çalik Holding po u shet ALBtelecom-in grekëve” nuk paraqet të vërtetën. Operatori fiks më i madh i Shqipërisë, ALBtelecom, me performancën e lartë dhe në mënyrë konstante vijon të rritet duke ofruar shërbimet më të mira për qytetarët e Shqipërisë. Kompania, kohët e fundit bëri lançimin e shërbimit më të ri IPTV (ALBtv) dhe ka marrë dy licenca për ofrimin e shërbimeve 4G, duke vijuar fuqishëm investimet e planifikuara në këtë drejtim. Siç duket qartë, ashtu siç nuk ekziston asnjë vendim lidhur me shitjen e ALBtelecom, kompania jonë po vijon strategjinë e zgjerimit dhe rritjes në Shqipëri dhe vende të tjerë të Ballkanit”.

Gazeta greke “Kathimerini” ka lajmëruar se përfaqësuesit e OTE-së greke e cila kontrollohet gjithashtu nga “DT”  dhe Albtelecom janë takuar disa herë për këtë Gazeta shkruan se pronarët e Albtelecom-it kërkojnë një shifër mes 200 dhe 230 milionë eurove. Mirëpo megjithëse po bën ristrukturime të forta brenda grupit, Albtelekom, (78% të aksioneve të të cilit kontrollohen nga konsorciumi turk Calik Holding), i ka mohuar zërat për shitjen e kompanisë.

Në një intervistë për revistën ekonomike “Monitor” bosi i Albtelecom, Erkan Tabak mohoi çdo spekulim duke thënë se zërat për shitje ishin të pabaza dhe bëheshin me qëllim për të ndikuar në performancën e shkëlqyer të Albtelecom gjatë 2014. Ai gjithashtu i tha revistës se përgjatë dy viteve të ardhshme kompania ka në plane të investojë 50 milion Euro në rrjetet e fibrave optike, dekoderat IPTV dhe rrjetet 4G.

Po realisht ku “fle lepuri”? Gjithë ky spekulim bëhet para dy evenimenteve të rëndësishme politike dhe ekonomike. Vizitës së pritshme të Presidentit të Turqisë në Shqipëri, Recep Tayip Erdogan dhe Konferencës së Vjenës e cila është vazhdim i Samitit t Berlinit të Gushtit të vitit të shkuar.

Investimet gjermane dhe ato turke, duket se do të jenë baza e një marrëdhënie të qeverisë shqiptare në fillimin e sezonit të ri financiar. Por që prej një muaji qarqet greke në Athinë dhe Tiranë po sulmojë fuqishëm qeverinë shqiptare e në veçanti Kryeministrin Edi Rama dhe po hedhun spekulime në tregun financiar në vend. Duket se ekulibrat ekonomikë dhe gjeopolitikë po pësojnë një ndryshim struktural. Po nga do të shkojnë? Natyrisht bëhet fjalë për një lëvizje tektonike që do të shënojë një rrjedhë të re…

/tesheshi.com/

auto pjese dak

Related posts