Auto Dak
Auto Dak

“Arratisja e vogël”, filmi i BMW-së mbi dramën e Murit të Berlinit: ja ç’ndodhte 55 vjet më parë (video)

BMW ka realizuar një film të shkurtër bazuar në një ngjarje të vërtetë të ndodhur në vitin 1964. Bëhet fjalë për një arratisje të ish-banorëve të Gjermanisë Lindore, nga Berlini Lindor komunist drejt Berlinit Perëndimor me ndihmën e një makine të modifikuar BMW Isetta.

Filmi quhet “Arratisja e vogël”. Protagonist, veç makinës së vogël, është Klaus-Günter Jacobi, një gjerman që arratis në Berlinin Perëndimor më 1958 dhe 6 vjet më vonë vendosi të ndihmonte mikun e tij të fëmijërisë Manfred Kostner të kalonte në Murin e Berlinit.

Bëhet fjalë për një nga vendet më të rrezikshme në Luftën e Ftohtë, pasi rreth 140 njerëz u vranë duke provuar të kalonin Murin e Berlinit.

Për të marrë mikun e tij përtej kufirit, Jacobi vendosi të përdorë pikërisht një BMW Isseta. Ai hoqi filtrin e ajrit, gomën rezervë dhe sistemin e ngrohjes, zëvendësoi sebratorin me një kuti të vogël, e kështu mundësoi një vend në motor, në pjesën e pasme të mikro-makinës që, me shumë telashe, mund të fshihte një person.

Jacobi, si banor i Berlinit Perëndimor, nuk lejohej të udhëtonte për në Gjermaninë Lindore, kështu që iu desh të gjente një shofer tjetër për një ndërmarrje të guximshme. Ai gjeti studentë të Gjermanisë Perëndimore të cilët, me bindje të thjeshtë, ishin të gatshëm të ndihmonin për të kapërcyer Murin e Berlinit.

Më në fund, më 23 maj 1964, u bë arratisja e parë: Manfred Kostner arriti të kalojë në Berlinin Perëndimor siç tregohet nga BMW në filmin e shkurtër.

Studentët vazhduan misionin e tyre të shpëtimit me një Isetta tjetër, duke përdoror të njëjtën praktikë. Ata tërhoqën tetë njerëz të tjerë nga Berlini Lindor para se të zbuloheshin 18 muaj pas arratisjes së tyre të parë. /tesheshi.com/

auto pjese dak

Related posts