Auto Dak
Auto Dak
Auto Dak

Apeli i ministres: Shqiptarë, mos u gënjeni nga Corona!

Paralel me kryeministrin Rama, një mesazh apelues u përcoll dhe nga vartësja e tij Ogerta Manastrirliu, e cila, si ministre linje, tha se shqiptarët nuk duhet të gënjehen e të lëshojnë pe në zbatimin e masave të izolimit social.

 “Për fat të keq, në ditët e fundit, të gënjyer mbase nga krahasimi i shifrave të Shqipërisë me ato të vendeve të tjera, shumë prej jush do të kenë menduar se, ia hodhëm dhe kësaj lufte. Jo! E kundërta është e vërtetë. Jemi mu në mesin e një beteje që nuk është ndalur në asnjë moment, me një virus që sot, për shkencëtarë dhe mjekë në mbarë botën, ka më shumë të panjohura, se sa të njohura”, u shpreh Manastirliu.

Edhe ajo iu referua kurbës në rritje të të infektuarve ditët e fundit, për të përcjellë një tjetër mesazh ndërgjegjësues.

“Që prej fillimit të epidemisë, Shqipëria ka një kurbë në rritje të moderuar të numrit të të prekurve. Sikundër është fakt se Tirana ka sot disa vatra të reja të përhapjes së infeksionit të shkaktuar nga COVID19. Shkodra ka vatër të re. Po ashtu Fieri, Durrësi, Elbasani dhe Kavaja. Falë masave të distancimit social të ndërmarra nga Qeveria shqiptare, sot kemi një numër të prekurish dhe viktimash nga Covid 19, shumë herë më të vogël, se sa do të kish qenë ky numër, po të mos i kishim marrë këto masa”, tha Manastirliu.

“Unë jam e sigurt që nuk është vonë për secilin prej nesh, që të shfaqim përgjegjshmëri shoqërore dhe kujdes për njëri tjetrin, duke bërë gjënë më të thjeshtë në botë: Të zbatojmë higjenën, të respektojmë distancat, dhe mbi të gjitha të bëjmë durim. Kjo është një luftë që do ta fitojmë. Por, vetëm bashkë”, përfundoi gruaja në krye të shëndetësisë shqiptare. /tesheshi.com/

.

 

auto pjese dak

Related posts

WP2Social Auto Publish Powered By : XYZScripts.com