Auto Dak
Auto Dak
Auto Dak

Apel francez: Ç’duhet bërë që Corona të mos e shkërmoq BE-në

Bashkimi Evropian do të përballet me çështjen e mbijetesës nëse nuk shfaqet i bashkuar përballë krizës nga virusi koronar, tha Sekretarja Franceze e Shtetit për Çështjet Evropiane, Amelie de Montchalin.

“Ne absolutisht duhet të përgatitemi së bashku për rikuperimin nga kriza, të përgatitemi për periudhën e paskrizës dhe të tregojmë që jemi efektiv duke qenë së bashku”, tha ajo.

Ish-Presidenti i Komisionit Evropian Zhak Delors ka paralajmëruar më herët se mungesa e solidaritetit do të ishte një kërcënim vdekjeprurës për BE-në.

“Sot, ne qëndrojmë së bashku falë solidaritetit,” tha Montchalin, duke kujtuar masat e miratuara nga BE për të luftuar krizën dhe efektet e saj në ekonomi.

“Banka Qendrore Evropiane (ECB) ka filluar një program të paprecedentë të mbështetjes për vendet. Ne kemi hequr rregullat e Paktit të Stabilitetit, i cili është i pashembullt,” tha ajo, duke kujtuar planin prej 40 miliardë eurosh të Komisionit Evropian.

Montchalin tha që ajo tani po mendonte se çfarë duhet bërë pas krizës.

“Ne nuk mund ta përjashtojmë veten nga ky solidaritet … Nëse disa mendojnë se mund të përjashtohen, kjo do të sjellë pasoja të mëdha për projektin evropian,” shtoi ajo.

“Evropa jonë është një Evropë veprimi, solidariteti. Nëse disa nuk e dëshirojnë atë, lind pyetja: çfarë 27 vendet ende duhet të bëjnë, gjë që është një pyetje themelore, ekzistenciale”, paralajmëroi zyrtarja francez.

Udhëheqësit e BE ranë dakord të enjten, nën presionin e Italisë, e cila po është më e vuajtura nga Corona, që të marrin në konsideratë masa më të forta për të trajtuar recesionin e paralajmëruar. /tesheshi.com/

auto pjese dak

Related posts

WP2Social Auto Publish Powered By : XYZScripts.com