Auto Dak
Auto Dak
Auto Dak

MESAZHI/ Aliyev, nga xhamia “pa derra”: Lutja ime në Mekë për çlirimin e Karabakut

Presidenti i Azerbajxhanit Ilham Aliyev tha se askush nga Perëndimi nuk ka nevojë të shqetësohet për fatin e ndërtesave të krishtera në zonën e çliruar nga ushtria azerbajxhanase pas gati tre dekadash okupimi, duke shtuar se të gjitha ndërtesat historike në Azerbajxhan janë nën mbrojtjen e shtetit.

Aliyev vizitoi qytetin e Agdamit, ku ushtria azere mori kontrollin dhe me këtë rast ishte në xhaminë, e cila është ndërtesa e vetme që mbeti në këmbë pasi armenët u tërhoqën nga qyteti. Aliyev tha se ishte e dhimbshme të shikoje Agdamin e shkatërruar, duke shtuar se ishte gjithashtu e dhimbshme të shikoje qytetin me dylbi gjatë okupimit armen.

Aliyev tha se ai po i dhuronte një Kur;an xhamisë në Agdam, të cilën ai e solli nga një prej katër vizitave të tij në Mekë.

“Lutja ime e parë në Qaben e Shenjtë ishte çlirimi nga pushtimi. Sot, para xhamisë që u përdhos nga vandalët, mund të them se jam një njeri i lumtur dhe falënderoj Zotin që ai u përgjigj lutjeve të mia”, tha Aliyev.

Aliyev tha se disa vende i kishin dhënë mbështetje politike dhe morale Azerbajxhanit gjatë luftës për çlirimin nga okupimi armen, me Turqinë dhe presidentin e saj Rexhep Tajip Erdogan në vendin e parë.

Presidenti i Azerbajxhanit Aliyev tha se disa udhëheqës perëndimorë shprehën shqetësim për fatin e ndërtesave të krishtera në zonën e çliruar nga pushtimi armen dhe u dërgoi atyre një mesazh të qartë se të gjitha këto ndërtesa janë trashëgimi historike dhe nuk ka nevojë të kujdesen për to.

“Askush nuk ka nevojë të shqetësohet, veçanërisht jo udhëheqësit nga Perëndimi që ndezin Islamofobinë. Ata injorojnë dhe madje justifikojnë sulmet ndaj objekteve islami. Njerëz të tillë nuk kanë as të drejtë të flasin për atë temë” tha Aliyev.

Aliyev më tej tha nëse Azerbajxhani nuk mund të kritikohet nga ata që mbyllin xhamitë e që hedhin koka derri aty. Duke kujtuar se shumë xhami u shkatërruan gjatë okupimit armen, dhe disa u kthyen në stalla derrash, Aliyev tha se udhëheqësit perëndimorë nuk kishin reaguar apo shprehur ndonjë shqetësim për këtë.

“Lërini të thonë ç’të duan dhe të mos ndërhyjnë në çështjen tonë. Tashmë jemi në vendin tone”, tha Aliyev. /tesheshi.com/

auto pjese dak

Related posts