728 x 90 Leaderboard

Alarmi i Roberto Savianos për “The Guardian”: fashizmi po kthehet e po paralizon Italinë

Shkrimtari i njohur italian, Roberto Saviano, në një editorial për të përditshmen britanike The Guardian, thekson se “fashizmi është rikthyer dhe po paralizon Italinë”.

Duke marrë shkas nga ngjarja e Macerata-s pranë Romës, shkrimtari antimafia thekson se “asnjë parti politike nuk ka kurajon të denoncojë krimin ndaj një grupi emigrantësh” që u qëlluan për vdekje nga një grup personash, pasi një nigerian, shpërndarës droge vrau një vajzë italiane.

“Parti të majta dhe të djathta kanë shtyrë zgjedhësit e tyre të mos flasin për incidentin ku me armë zjarri u plagosën 6 emigrantë. Kanë frikë që të largojnë një elektorat gjithnjë e më ksenofob:, shkruan autori i “Gomorra”-s, romanit që e bëri të famshëm në të gjithë botën, ku i bënte një radiografi një prej organizatave më të tmerrshme të krimit të organizuar.

Saviano, thekson më tej se rudimentet e kohës së Duçes po kthehen gjithnjë e më tepër në fenomen italian.

“Përshëndetja fashiste, gjuha e egër anti-emigrant, flamuri i vjetër i Savoja-s dhe shumë simbole të tjera po bëhen gjëra të zakonshme në vend”, thekson për të përditshmen britanike, shkrimtari italian.

Ai akuzon mediat italiane se kanë frikë që dhunën ndaj emigrantëve ta cilësojnë si sulm ksenofob.

“Ata e quajnë si një akt i një të çmenduri, pa i vënë emrin e vërtetë këtij tmerri që po dominon vendin”, shruan ndër të tjera Roberto Saviano.  /tesheshi.com/

Related posts