Auto Dak
Auto Dak
Auto Dak

Akuzat nga Basha, Rama: merren dhe me nënën time të ndjerë!

Në një tjetër replikim me kreun demokrat Basha, me në fokus çështjen e trajtimiot të mbetjeve urbane, kryeministri Rama reagoi dhe mbi përfoljen që ish-kreu democrat Berisha i bëri nënës së tij të ndjerë një natë më parë në Opinion.

Duke pretenduar korrupsion me iceneratorët, atë të Fierit, Elbasanit e Tiranës, Basha tha se kreu i SPAK-ut duhet të japë llogari para shqiptarëve, pasi sipas tij nuk po heton.

“Arben Kraja kreu i SPAK të dalë sot para qytetarëve të thotë ku janë hetimet. Ose nëse ka presion mafioz të dalë të thotë që ne t’i dalim në krah. Përndryshe po hesht ashtu siç bën pronari i inceneratorëve dhe për këtë do të marrë përgjejgësi“, tha Basha.

Rama reagoi duke shkruar se “sipas Lulëzimit nuk duhen paguar plehrat që shkojnë në Sharrë po duhen bërë mal me re helmi mbi Kombinat! Vazhdon të ngatërrojë investimin privat me pagesën 29€ për ton nga shteti, kur në Europë shtetet paguajnë deri 150€ tonin për të njëjtën gjë! Çfarë mjerimi ky debat absurd!”.

Dhe më pas, ai kujton se po i përflitet dhe nëna e ndjerë.

“Merren me nënën time të ndjerë dhe shajnë si të dehur, e kujtojnë se do gënjejnë shqiptarët duke ua bërë të bardhën të zezë me balonat tabake e tauke që i nxjerrin nëpër dyert e fushave sanitare sa në Sharrë e sa në Fier,për të recituar vjershat e mjerimit që në fakt e mishêrojnë!

Duan s’duan Lulëzimi dhe balonat e tij Shqipëria do pastrohet nga malet e plehrave, Tirana, Durrësi, Elbasani, Fieri, Vlora e me radhë nuk do rë kthehen tek malet e plehrave të Saliut e të partisë që ka program rrënimin e rrëmujën në çdo fushë të jetës shqiptare”, shkruan Rama.

Por sipas Bashës, ky është vetëm një vetëviktimizim.

“Lëre viktimizimin….Retorika boshe nuk të shpëton dot këtë herë”, shkruan Basha. /tesheshi.com/

auto pjese dak

Related posts