Auto Dak
Auto Dak
Auto Dak

Agim Nuhiu, një ndër qeveritarët riosh të BDI-së: s’jem bërë për t’u tallur; e bëj punën nën emrin e Zotit…

Në formacionin e ndryshuar të ministrave me vendim të kryetarit të partisë shqiptare në pushtet BDI-së, Ali Ahmeti, ndodhet edhe zv/ministri i Punëve të Brendshme, Agim Nuhiu. Për dallim nga kolegët e tij ministra, Agim Nuhiu përveç përvojës akademike si profesor universitar në USHT, ai më parë ka qenë i angazhuar edhe si anëtarë i Komisionit për Antidiskriminim. Në saj të intervistës së dhënë portalit tesheshi.com, ai për herë të parë rrëfehet në cilësinë e ministrit mbi tema të ndryshme, si vendimi i Ahmetit për të ndryshuar ministrat; pa(pjekurinë) politike të ministrave të rinj që u shndërruan objekt talljeje nga opinioni i gjerë, konfliktet ndëretnike, përgjegjësinë e BDI-së mbi krizën politike në Maqedoni si dhe ndodhitë e fundit në MPB, ministri kjo e cila udhëhiqet nga dy ministra të partive të ndryshme maqedonase…

Intervistoi: Mensur Krasniqi

Fillimisht ju urojmë për emërimin e juaj në postin e zëvendësministrit të Punëve të Brendshme në Maqedoni. Si po kalojnë ditët e para për ju në këtë post?

Ju faleminderoj për urimin! Detyra e re për mua paraqet një sfidë dhe një përgjegjësi. Ministria për Punë të Brendshmë, që kur unë erdha në këtë pozitë merrej intenzivisht me dhënien e informacioneve për votuesit që Komisioni Shtetëror Zgjedhor i parashtronte për verifikim. Kemi punuar edhe në orët e vona. Përveç kësaj, protestat dhe kundërprotestat me kërkesa poltike u bënë të përditshme. Protestat organizohen edhe pa e informuar MPB, vetëm me thirrje nëpër rrjetet sociale! Situatë shumë e vështirë. E shënuam zyrtarisht edhe ceremoninë e fillimit të lëvizjes së qytetarëve me letërnjoftime në kufirin Maqedoni – Kosovë. Edhe çështja e refugjatëve në kufirin me Greqinë, po ashtu ishte dhe mbetet një sfidë e rëndë.  Ministria jonë duhet që të jetë në krye të detyrave në çdo kohë, në çdo rrethanë.

Kryetari i partisë suaj, BDI-së, Ali Ahmeti morri një vendim të çuditshëm që përnjëherë të ndryshojë në tërësi formacionin e ekzekutivit.  Pse pikërisht në këtë fazë të krizës politike në Maqedoni?

Ndryshimet e bëra në ekzekutivin e vendit nuk duhet të merren të çuditshme. Të gjithë kolegët e mi në kabinetin qeveritar janë njerëzit që u rritën dhe u edukuan në Bashkimin Demokratik për Integrim. Angazhimi jonë për t’u ballafaquar me situatën aktuale politike në Maqedoni nuk do të jetë pa rezultate. Prioritetet e subjektit tonë nuk ndryshojnë. Nesër edhe ne do të zëvendësohemi, por orientimi për kultivimin në vazhdimësi të vlerave dhe aspekteve të avansuara programore të subjektit tonë do të jetë i pandryshuar. Ne nuk jemi vetëm, e kemi tërë familjen e madhe të Bashkimit Demokrtik për Integrim me vete.

Për dallim nga ju që vini me një eksperiencë pak më të madhe, si akademike ashtu edhe politike, ministrat tjerë që zgjodhi Ali Ahmeti ishin objekt talljeje nga opinioni i gjërë, meqë sipas tyre ata ende nuk janë të denjë dhe të pjekur për të ushtruar funksione vendimarrëse…

Nuk pajtohem me vlerësimin e juaj. Të gjithë kolegët e mi në kabinetin qeveritar kanë kapacitete intelektuale dhe politike për të qenë në pozitat që aktualisht i ushtrojnë. Doni të thoni se përvoja e bën mjeshtrin apo!? Unë dua të shtojë se në dijen dhe vullnetin e fortë qëndron vlera e të gjithë kolegëve të mi në kabinetin e ri qeveritar.

Maqedonia, si shtet multietnik zakonisht ballafaqohet me konflikte ndëretnike, me ç’rast shpeshherë viktimizohen shqiptarët. Çka mund të ndërmirrni ju në këtë drejtim?

Do të angazhohem që në asnjë rrethanë të mos lejohet që shërbimet e MPB të veprojnë mbi baza të paragjykimeve dhe stereotipeve qoftë mbi gazetarët, fëmijët apo mbi kategoritë tjera të shoqërisë. Për mua gazetari dhe gazetaria profesionale, objektive dhe transparente është gjë e shenjtë. Jeta e njërzve dhe dinjiteti njerëzor nuk kanë ekuivalencë. Për këtë gjë angazhohem edhe personalisht në MPB. Parimi i ligjshmërisë dhe transparencës duhet të jetë në një vijë për të gjithë.

Të rikthehemi pak në situatën politike në Maqedoni. Sa ndjehet përgjegjëse Bashkimi Demokratik për Integrim?

Unë mund të them se kuadrot e Bashkimit Demokratik për Integrim kanë respektuar vlerat bazë të institucionit. Institucionet e sistemit karakterizohen me kultura të ndryshme të kategorive heterogjene të udhëheqësve në vend. Respektimi i ndarjes së roleve dhe ushtrimi i kompetencave sipas ligjeve në fuqi nga kuadrot tanë, si më parë ashtu edhe aktualisht e kanë ngritur nivelin e menaxhimit institucional në vend. Opinioni tani më e ka të qartë për ekzistencën e kulturave të ndryshme të manaxhimit me shtetin. Bashkimi Demokratik për Integrim ka flakur konceptin e pandëshkueshmërisë si në aspektin politik ashtu edhe në atë penal juridik.

Kush ju kontrollon,  qeveria e Nikolla Gruevskit apo ministri i Zoran Zaevit!? Çka po ndodhë në MPB!?

Mua!? Në emër të Zotit dhe mirëqenies së përgjithshme çdo ditë përpiqem të jem në krye të detyrave. Unë jam kuadër i Bashkimit Demokratik për Integrim dhe në MPB i përfaqsojë përcaktimet programore të subjektit tim dhe z. Ali Ahmeti, brenda kuadrit institucional dhe ligjor në vend.  Ka një konflikt midis ministrit z. Spasovski dhe zëvendësministrit plotësues z. Çavkov. Unë u kam bëre thirrje të gjithëve në MPB që të respektojnë vlerat themelore të institucionit duke shprehë gatishmërinë që të marrë mbi supet e mia udhëheqjen e plotë të MPB-së.

Cila ka qenë kërkesa e z. Ali Ahmeti për ju kur u emëruat në këtë pozitë?

Respekte dhe përkulje për njerëzit e sakrificës kombëtare, angazhim për nderin e kombit dhe dinjitetin njerëzor. Të respektohen të gjithë shqiptarët pa kurfarrë përjashtimi, diferencimi apo kufizimi nga shërbimet e MPB. Shteti dhe ligji janë për të gjithë qytetarët! Këto ishin kërkesat e z. Ali Ahmeti. /tesheshi.com/

 

 

auto pjese dak

Related posts