Zjarri i rënë në laboratorin qendror të kriminalistikës së Policisë së Shtetit në Tiranë u ka vënë zjarrin dhe polemikave politike, të pritshme në kësi rastesh.
Sapo lajmi është bërë publik, lideri i opozitës në vend, Lulzim Basha, i ka akuzuar krerët e policisë se gjithçka e kanë bërë me qëllim, për të fshehur provat.
Ngjarja ka ndodhur rreth orës 02:15 në katin e dytë të laboratorit kriminalistik. Nga mbikëqyrja paraprake dyshohet që shkaku i zjarrit të jetë një masë elektrike, që për rrjedhojë ka shkaktuar dëme në sistemin elektrik të katit të dytë të laboratorit.
Nga zjarri nuk ka pasur të lënduar dhe nuk është dëmtuar asnjë pajisje. Hetimet vazhdojnë për të përcaktuar shkaqet e zjarrit.
Basha do ta jepte në rrjetin Facebook opinionin e tij për këtë ngjarje, duke shkruar:“Raportohet nga oficerë të policisë se zjarri është i qëllimshëm dhe ka pasur për objektiv shkatërrimin e provave në lidhje me drogën e konfiskuar në disa operacione të fundit. Po bëhen përpjekje për ta fshehur këtë akt kriminal”. /tesheshi.com/
